Во вторник 4-я седмицы Великого Поста. ЦСл текст гражданским шрифтом.

Господи Боже мой, прославлю Тя, воспою имя Твое, яко сотворил еси чудная дела, совет древний истинный: да будет, Господи. Яко положил еси грады в персть, грады твердыя, еже пасти основаниям их, нечестивых град да не созиждется в век. Сего ради благословят Тя людие нищии, и гради человеков обидимых возблагословят Тя. Был бо еси всякому граду смиренному помощник, и изнемогающим за оскудение покров, от человек злых избавиши их: покров жаждущих, и дух человеков обидимых. Аки человецы малодушнии жаждущии в Сионе, яко избавиши их от человек нечестивых, имже нас предал еси. И сотворит Господь Саваоф всем языком: на горе сей испиют радость, испиют вино. Помажутся миром на горе сей: предаждь сия вся языком: той бо совет на вся языки. Пожре смерть возмогши, и паки отъят Господь Бог всякую слезу от всякаго лица: поношение людей отъят от всея земли, уста бо Господня глаголаша [сия]. И рекут в день оный: се Бог наш, Наньже уповахом, и спасет нас: Сей Господь, потерпехом Его, и возрадовахомся, и возвеселихомся о спасении нашем.


Рече Бог Ноеви, и сыном его с ним, глаголя: Се Аз поставляю завет Мой вам, и семени вашему по вас, И всякой души живущей с вами, от птиц, и от скот, и всем зверем земным, елика с вами [суть] от всех изшедших из ковчега. И поставлю завет Мой с вами: и не умрет всяка плоть ктому от воды потопныя, и ктому не будет потоп водный, еже истлити всю землю. И рече Господь Бог Ноеви: сие знамение завета, еже Аз даю между Мною и вами, и между всякою душею живою, яже есть с вами в роды вечныя: Дугу мою полагаю во облаце, и будет в знамение завета [вечнаго] между Мною и землею. И будет егда наведу облаки на землю, явится дуга Моя во облаце: И помяну завет Мой, иже есть между Мною и вами, и между всякою душею живущею во всякой плоти, и не будет ктому вода в потоп, яко потребити всяку плоть. И будет дуга Моя во облаце: и узрю ю, еже помянути завет вечный между Мною и землею, и между всякою душею живущею во всякой плоти, яже есть земли. И рече Бог Ноеви: сие знамение завета, егоже положих между Мною, и между всякою плотию, яже есть на земли.


Уста разумнаго хвалима бывают от мужа: слабосерд же поругаемь бывает. Лучше муж в безчестии работаяй себе, нежели честь себе обложив, и лишаяйся хлеба. Праведник милует души скотов своих: утробы же нечестивых немилостивны. Делаяй свою землю, исполнится хлебов: гонящии же суетная лишени разума. иже есть сладостен в винном пребывании, в своих твердынях оставит безчестие. Желания нечестивых зла, корение же благочестивых в твердостех. За грех устен впадает в сети грешник: избегает же от них праведник. сматряяй кротко, помилован будет: а сретаяй во вратех, оскорбит души. От плодов уст душа мужа наполнится благих: воздаяние же устен его воздастся ему: Путие безумных прави пред ними: послушает советов мудрый. Безумный абие исповесть грех свой: крыет же свое безчестие хитрый. Явленную веру возвещает праведный: свидетель же неправедных льстив. Суть, иже глаголюще уязвляют аки мечи: языцы же премудрых исцеляют. Устне истинны исправляют свидетельство: свидетель же скор язык имать неправеден. Лесть в сердце кующаго злая: хотящии же мира, возвеселятся. Ничтоже неправедное угодно есть праведному: нечестивии же исполнятся злых. Мерзость Господеви устне лживы: творяй же верно приятен Ему.

Крещение по апостолу Петру есть "обещание Богу доброй совести" (1 Пет. З, 21). Крестившийся дает обет жить остальное время по чистой совести, по всей широте заповедей Господних, принятых в совесть. Нравственная чистота есть черта крещеного. Апостол Павел светлость жизни его сравнивает с светлостью воскресшего Господа. "Чтобы, как Христос воскрес из мертвых славою Отца, так и нам ходить в обновленной жизни" (Рим. 6, 4). В крещении ветхий грехолюбивый человек умирает, и восстает человек новый, ревнитель добрым делам. "Так и вы", крещенные, "почитайте себя мертвыми для греха, живыми же для Бога во Христе Иисусе, Господе нашем. Итак, да не царствует грех в смертном вашем теле, чтобы вам повиноваться ему в похотях его; и не предавайте членов ваших греху в орудия неправды, но представьте себя Богу, как оживших из мертвых, и члены ваши Богу в орудия праведности. Грех не должен над нами господствовать" (Рим. 6, 11-14).