В среду 2-я седмицы Великого поста. ЦСл текст гражданским шрифтом.

Вознесется Господь Саваоф в суде, и Бог Святый прославится в правде: И упасутся расхищеннии яко юнцы, и пустыни плененных агнцы поядят. Горе привлачающим грехи яко ужем долгим, и яко ига юнична ременем беззакония своя, глаголющим: скоро да приближатся, яже сотворит, да видим, и да приидет совет Святаго Израилева, да разумеем. Горе глаголющим лукавое доброе, и доброе лукавое, полагающим тьму свет, и свет тьму, полагающим горькое сладкое, и сладкое горькое. Горе, иже мудри в себе самих, и пред собою разумни. Горе крепким вашим, вино пиющим, и вельможам растворяющим сикер: оправдающим нечестива даров ради, и еже есть праведное праведнаго вземлющим от него. Сего ради якоже сгорит трость от углия огненнаго, и сожжется от пламене разгоревшагося, корень их яко персть будет, и цвет их яко прах взыдет: не восхотеша бо закона Господа Саваофа, но слово Святаго Израилева раздражиша. И возъярися гневом Господь Саваоф на люди Своя, и наложи руку Свою на них, и порази их: и раздражишася горы, и быша трупи их яко гной посреде пути. И во всех сих не отвратися ярость Его, но еще рука Его высока.


Изыде Каин от лица Божия, и вселися в землю Наид, прямо Едему. И позна Каин жену свою, и заченши роди Еноха: и бе зиждяй град, и именова град во имя сына своего, Енох. Родися же Еноху Гаидад, и Гаидад роди Малелеила: и Малелеил роди Мафусала: Мафусал же роди Ламеха. И взя себе Ламех две жены: имя единой Ада, и имя вторей Селла. И роди Ада Иовила: сей бяше отец живущих в селениих скотопитателей. И имя брату его, Иувал: сей бяше показавый певницу, и гусли. Селла же и тая роди Фовела, сей бяше млатобиец, ковач меди и железа: сестра же Фовелова, Ноема. Рече же Ламех своим женам: Ада и Селла, услышите глас мой жены Ламеховы, внушите моя словеса: яко мужа убих в язву мне, и юношу в струп мне. Яко седмицею отмстися от Каина, от Ламеха же седмьдесять седмицею. Позна же Адам Еву жену свою, и заченши роди сына, и именова имя ему Сиф, глаголющи: воскреси бо ми Бог семя другое, вместо Авеля, егоже уби Каин. И Сифу бысть сын: именова же имя ему Енос, сей упова призывати имя Господа Бога.


Сыне, пий воды от своих сосудов, и от твоих кладенцев источника: Да преизливаются тебе воды от твоего источника, во твои же пути да происходят твоя воды. Да будут тебе единому имения, и да никтоже чуждь причастится тебе. Источник твоея воды да будет тебе твой, и веселися с женою яже от юности твоея. Елень любве, и жребя твоих благодатей да беседует тебе, твоя же да предыдет тебе, и да будет с тобою во всяко время: в дружбе бо сея спребываяй, умножен будеши. Не мног буди к чуждей, ниже объят буди объятии не твоея. Пред очима бо суть Божиима путие мужа, вся же течения его назирает. Законопреступления мужа уловляют: пленицами же своих грехов кийждо затязается. Сей скончавается с ненаказанными: от множества же своего жития извержется, и погибает за безумие. Сыне, аще поручишися за твоего друга, предаси твою руку врагу. Сеть бо крепка мужу свои устне, и пленяется устнами своих уст. Твори сыне, яже аз заповедаю ти, и спасайся.

Когда Моисей и Аарон начали ходатайствовать о народе перед фараоном, чтоб он отпустил его, ответом на это было усиление работы угнетенных израильтян до того, что они подняли ропот на ходатаев своих: "вы сделали нас ненавистными в глазах фараона" (Исх. 5, 21). Точь в точь то же испытывает душа кающегося грешника. Когда страх Божий и совесть, эти внутренние Моисей и Аарон, начнут воодушевлять душу, чтоб она поднялась, наконец, на ноги и стряхнула иго рабства греховного, - радость проходит по всем ее составам. Но и враг не дремлет, и взгромождает в ее помыслах горы препятствий со стороны непреодолимости греха, и наводит со всех сторон страхи, - страх за свое благосостояние, за внешние отношения, за вес свой, даже за жизнь. И бывает, что иной начавши только, тотчас и останавливается. Воодушевись, брат! "Господь Саваоф превознесется в суде, и Бог святый явит святость Свою в правде" (Ис. 5, 16). Бог сильнее врага. Возопий к Нему, - и услышишь то же, что услышал Моисей тогда: "теперь увидишь ты, что Я сделаю с фараоном". Враг не имеет власти над душою; он только может напугать ее призрачными ужасами. Не поддавайся, претерпи, иди вперед мужественно, говоря в себе: хоть смерть, а уж не брошу, и смело пойду, куда зовет меня Господь духом покаяния, который теперь действует во мне.