В субботу 3-я седмицы Великаго Поста. ЦСл текст гражданским шрифтом.

Братие, воспоминайте первыя дни ваша, в нихже просветившеся, многия страсти претерпесте {мног подвиг подъясте} страданий, Ово убо, поношеньми и скорбьми позор бывше, ово же, общницы бывше живущим тако: Ибо узам моим спострадасте и разграбление имений ваших с радостию приясте, ведяще имети себе имение на небесех пребывающее и лучшее. Не отлагайте убо дерзновения вашего, еже имать мздовоздаяние велико. Терпения бо имате потребу, да волю Божию сотворше, приимете обетование: Еще бо мало елико елико, Грядый приидет и не укоснит. А праведный от веры жив будет: и аще обинется, не благоволит душа моя о нем.


Братие, не хощу вас не ведети о умерших, да не скорбите, якоже и прочии не имущии упования. Аще бо веруем, яко Иисус умре и воскресе, тако и Бог умершия во Иисусе приведет с Ним. Сие бо вам глаголем словом Господним, яко мы живущии, оставшии в пришествие Господне, не имамы предварити умерших: Яко Сам Господь в повелении, во гласе архангелове и в трубе Божии снидет с небесе, и мертвии о Христе воскреснут первее: Потом же мы, живущии оставшии, купно с ними восхищени будем на облацех в сретение Господне на воздусе, и тако всегда с Господем будем.


Во время оно, мимогрядый Иисус виде Левию Алфеова, седяща на мытнице, и глагола ему: по Мне гряди. И востав вслед Его иде. И бысть возлежащу Ему в дому его, и мнози мытари и грешницы возлежаху со Иисусом и со ученики Его: бяху бо мнози, и по Нем идоша. И книжницы и фарисее, видевше Его ядуща с мытари и грешники, глаголаху учеником Его: что яко с мытари и грешники яст и пиет? И слышав Иисус глагола им: не требуют здравии врача, но болящии: не приидох призвати праведники, но грешники на покаяние.


Рече Господь ко пришедшим к Нему иудеом: аминь, аминь глаголю вам, яко слушаяй словесе Моего и веруяй Пославшему Мя имать живот вечный, и на суд не приидет, но прейдет от смерти в живот. Аминь, аминь глаголю вам, яко грядет час, и ныне есть, егда мертвии услышат глас Сына Божия, и услышавше оживут. Якоже бо Отец имать живот в Себе, тако даде и Сынови живот имети в Себе. И область даде Ему и суд творити, яко Сын Человечь есть. Не дивитеся сему: яко грядет час, в оньже вси сущии во гробех услышат глас Сына Божия, И изыдут сотворшии благая в воскрешение живота, а сотворшии злая в воскрешение суда. Не могу Аз о Себе творити ничесоже. Якоже слышу, сужду, и суд Мой праведен есть, яко не ищу воли Моея, но воли пославшаго Мя Отца.

(Ев. 10, 32-38; Мк. 2, 14-17). "Я пришел призвать не праведников, но грешников к покаянию" (Мк. 2, 17). Устами Премудрости звал к себе Господь безумных. Сам же, странствуя на земле, призывал грешников. Ни гордым умникам, ни самочинным праведникам нет у Него места. Да радуется умственная и нравственная немощь! Сила умовая и деловая, поди прочь! Всесторонняя немощь, себя сознающая, и с верою прибегшая к Господу, немощная врачующему и оскудевающая восполняющему, крепнет и умом, и нравом, продолжая однако сознавать и скудоумие, и худонравие свое. Сила же Божия под этим невзрачным прикрытием, совершаясь в немощи, созидает незримо иную личность, светлую умом и нравом, которая в свое время становится явною иногда еще здесь, но всегда там. Вот что скрыто от премудрых и разумных, и открывается только младенцам!