В субботу 5-я седмицы Великаго Поста. ЦСл текст гражданским шрифтом.

Братие, не в рукотворенная святая вниде Христос, противообразная истинных, но в самое небо, ныне да явится лицу Божию о нас, Ниже да многажды приносит Себе, якоже первосвященник входит во святая (святых) по вся лета с кровию чуждею: Понеже подобаше бы Ему множицею страдати от сложения мира: ныне же единою в кончину веков, во отметание греха, жертвою Своею явися. И якоже лежит {определено есть} человеком единою умрети, потом же суд, Тако и Христос единою принесеся, во еже вознести многих грехи, второе без греха явится, ждущим Его во спасение.


Братие, имеяше убо первая скиния оправдания службы, святое же людское: Скиния бо сооружена бысть первая, в нейже светильник и трапеза и предложение хлебов, яже глаголется святая. По вторей же завесе скиния глаголемая Святая святых, Злату имущи кадильницу и ковчег завета окован всюду златом, в немже стамна злата имущая манну, и жезл Ааронов прозябший, и скрижали завета: Превышше же eго херувими славы, осеняющии oлтарь: о нихже не леть ныне глаголати подробну. Сим же тако устроeным, в первую убо скинию выну вхождаху священницы, службы совершающе: Во вторую же eдиною в лето eдин архиерей, не без крове, юже приносит за себе и о людских невежествиих.


Во время оно, изыде Иисус и ученицы Его в веси Кесарии Филипповы: и на пути вопрошаше ученики Своя, глаголя им: кого Мя глаголют человецы быти? Они же отвещаша: Иоанна Крестителя: и инии Илию: друзии же единаго от пророк. И Той глагола им: вы же кого Мя глаголете быти? Отвещав же Петр глагола Ему: Ты еси Христос. И запрети им, да ни комуже глаголют о Нем. И начат учити их, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день воскреснути.


Во время оно, вниде Иисус в весь некую: жена же некая именем Марфа прият Его в дом свой: И сестра ей бе нарицаемая Мариа, яже и седши при ногу Иисусову, слышаше слово Его. Марфа же молвяше о мнозе службе, ставши же рече: Господи, не брежеши ли, яко сестра моя едину мя остави служити? рцы убо ей, да ми поможет. Отвещав же Иисус рече ей: Марфо, Марфо, печешися и молвиши о мнозе, Едино же есть на потребу. Мариа же благую часть избра, яже не отымется от нея. Бысть же егда глаголаше сия, воздвигши некая жена глас от народа, рече ему: блажено чрево носившее Тя, и сосца, яже еси ссал. Он же рече: темже убо блажени слышащие слово Божие и хранящии е.

Спросил Господь апостолов, как они Его понимают? В лице св. апостола Петра, они отвечали: «Ты – Христос» (Мк.8:29). Не вдруг созрело это исповедание, но, созревши, осело в глубь сердца и стало источным его направителем. Оно было омрачено смертью Господа, но не поколебнуто и, быв воскрешено еще в большей силе Воскресением, стремило апостолов во всю их жизнь на проповедь всему миру. Есть момент и у каждого верующего, когда он всеми силами своими изрекает: «Ты – Христос, Господь мой и Сласитель. Ты спасение мое, свет мой, сила моя, утешение мое, надежда моя и живот вечный». Тогда совершается то, от чего он с апостолом взывает: «кто меня разлучит от любви Христовой» (Рим.8:35)! – и подобно ему начинает гнаться за всем угодным Христу Господу, пока достигнет в меру возраста Его.