В пяток 3-я седмицы. ЦСл текст гражданским шрифтом

Тако глаголет Господь: на горе польней воздвигните знамение, вознесите глас им, не бойтеся: поущайте рукою, отверзите князи. Аз повелеваю, освящени суть: и Аз веду их, исполини идут исполнити ярость Мою радующеся, вкупе и укаряюще. Глас языков многих, на горах, подобен языков многих, глас царей, и языков собравшихся. Господь Саваоф заповеда языку оружеборцу, Приити от земли издалеча, от края основания небесе, Господь и оружеборцы Его, растлити всю вселенную. Рыдайте: близ бо день Господень, и сокрушение от Бога приидет. Сего ради всяка рука разслабеет, и всяка душа человеча убоится: И смятутся послы, и болезни приимут я яко жены раждающия: и поскорбят друг ко другу, и ужаснутся, и лице свое яко пламень изменят. Се бо день Господень грядет неисцельный ярости и гнева, положити вселенную [всю] пусту, и грешники погубити от нея. Звезды бо небесныя и Орион, и все украшение небесное, света своего не дадят, и помрачится солнце возсиявающее, и луна не даст света своего. И заповем всей вселенней злая, и нечестивым грехи их: и погублю укоризну беззаконных, и укоризну гордых смирю. И будут оставшии честнии паче, нежели злато нежженное: и человек честен будет паче, нежели камень, иже от Суфира. Разъярится бо небо, и земля потрясется от оснований своих, за ярость гнева Господа Саваофа в день, воньже приидет ярость Его.


Седе ковчег в месяц седьмый в двадесять седьмый день месяца, на горах Араратских. Вода же уходящи умаляшеся даже до десятаго месяца: и в десятый месяц, в первый день месяца явишася верси гор. И бысть по четыредесятих днех отверзе Ное оконце ковчега, еже сотвори. И посла врана [видети, аще уступила вода от лица земли,] и изшед не возвратися, дондеже изсяче вода от земли. И посла голубицу по нем, видети, аще уступила вода от лица земли. И не обретши голубица покоя ногама своима, возвратися к нему в ковчег, яко вода бяше по всему лицу всея земли: и простер руку свою, прият ю, и внесе ю к себе в ковчег. И премедлив еще седмь дней, паки посла голубицу из ковчега: И возвратися к нему голубица к вечеру, и имеяше сучец масличен с листвием во устех своих: и позна Ное, яко уступи вода от лица земли. И премедлив еще седмь дней других, паки посла голубицу, и не преложи возвратитися к нему потом. И бысть в первое и шестьсотное лето жития Ноева, в первый день перваго месяца, изсяче вода от лица земли и откры Ное покров ковчега, егоже сотвори, и виде, яко изсяче вода от лица земли. В месяц же вторый, в двадесять седьмый день месяца изсше земля. И рече Господь Бог Ноеви, глаголя: Изыди из ковчега ты, и жена твоя, и сынове твои, и жены сынов твоих с тобою: И вся звери елицы суть с тобою, и всяку плоть от птиц даже до скотов, и всяк гад движущийся по земли изведи с собою: и раститеся и множитеся на земли. И изыде Ное, и жена его, и сынове его, и жены сынов его с ним: И вси зверие, и вси скоти, и вся птицы, и вся гады движущияся по роду своему на земли, изыдоша из ковчега. И созда Ное жертвенник Господеви: и взя от всех скотов чистых и от всех птиц чистых, и вознесе во всесожжение на жертвенник. И обоня Господь воню благоухания.


Уста праведнаго каплют премудрость: язык же неправеднаго погибнет. Устне мужей праведных каплют благодати, уста же нечестивых развращаются. Мерила льстивая мерзость пред Господем: вес же праведный приятен Ему. Идеже аще внидет досаждение, тамо и безчестие: уста же смиренных поучаются премудрости. Умираяй праведник остави раскаяние, удобна же бывает и посмеятельна нечестивых погибель. Совершенство правых наставит их: и поползновение отрицающихся пленит их. Не упользуют имения в день ярости: правда же избавит от смерти. Правда непорочнаго исправляет пути, нечестие же впадает в неправду. Правда мужей правых избавит их, безсоветием же уловляются беззаконнии. Скончавшуся мужу праведну, не погибнет надежда: похвала же нечестивых погибнет. праведный от лова убегнет, в негоже место предается нечестивый. Во устех нечестивых сеть гражданом, чувство же праведных благопоспешно. Во благих праведных исправится град, и в погибели нечестивых радование. Во благословении правых возвысится град, усты же нечестивых раскопается. Ругается гражданом лишенный разума, муж же мудр безмолвие водит.

Нечестивый падет от нечестия своего" (Прит. 11, 5). Нечестие - это неправильное отношение к Богу или полное богозабвение, к которому принадлежит и неверие в бытие Бога и Его промышление о тварях. Иные души, будучи теснимы напором подобных нечестивых мыслей, желая, однако, являть из себя исправные личности, решают так: буду правдив, честен и гуманен, не занимая себя тем, есть ли кто выше меня, назирающий, обязывающий и имеющий потребовать отчета. И что же? Не бывает на них благословения Божия, которого не взыскивают, и дело их не спеется. Совесть каждодневно напоминает им о делах или неправды, или нечестности, или негуманности. Только перед людьми успевают они являть себя праведными, в оправдание свое, где нужно отгрызаясь и кривотолкуя факты. Кто же добросовестен внутри, тому нечем себя оправдать. Невнимательные к себе пропускают мимо и этот внутренний разлад, внимательные же управляются с этим кое - как. О, когда бы кто либо из них добросовестно взглянул на этот разлад, и разобрал, откуда он и как его уладить! Он уладил бы потом и сам себя, и других позаботился бы направить на добрый лад.