В среду 3-я седмицы Великаго Поста. ЦСл текст гражданским шрифтом.

Будет, егда скончает Господь вся творя в горе Сиони, во Иерусалиме, наведет на ум великий, на князя Ассирийска, и на высоту славы очию его. Рече бо: крепостию руки моея сотворю, и премудростию разума [моего] отыму пределы языков, и силу их пленю: И сотрясу грады населеныя, и вселенную всю обыму рукою моею яко гнездо, и яко оставленая яица возму, и несть, иже убежит мене, или противу мне речет, и отверзет уста, и глумит. Еда прославится секира без секущаго ею? или вознесется пила без влекущаго ю? такожде аще кто возмет жезл, или древо: и не тако. Но послет Господь Саваоф на твою честь безчестие, и на твою славу огнь горя возгорится. И будет свет Израилев во огнь, и освятит его огнем горящим, и пояст яко сено вещество. В той день угаснут горы и холми, и дубравы, и пояст от души даже до плотей: и будет бежай, яко бежай от пламене горяща. И оставльшиися от них будут в число, и отроча малое напишет я. И будет в той день, не приложится к тому останок Израилев, и спасеннии Иаковли не будут ктому уповающе на обидевшия их: но будут уповающе на Бога Святаго Израилева истиною.


Ное бе лет шести сот, и потоп водный бысть на земли. Вниде же Ное, и сынове его, и жена его, и жены сынов его с ним в ковчег, воды ради потопа. И от птиц чистых, и от птиц нечистых, и от скот чистых, и от скот нечистых, [и от зверей,] и от всех гадов пресмыкающихся по земли: Два два внидоша к Ною в ковчег, мужеский пол и женский, якоже заповеда [Господь] Бог Ною.


Сыне, аще премудр будеши, себе премудр будеши, и искренним твоим: аще же зол будеши, един почерпнеши злая. Сын наказан премудр будет, безумный же слугою употребится. Иже утверждается на лжах, сей пасет ветры, той же поженет птицы парящия: остави бо пути своего винограда, в стезях же своего земледелания заблуди: проходит же сквозе пустыню безводную, и землю определенную в жаждех, собирает же рукама неплодие. Жена безумная и продерзая скудна хлебом бывает, яже не весть стыдения. Седе при дверех дому своего, на столце яве на стогнах, призывающая мимоходящих, и исправляющих пути своя: иже есть от вас безумнейший, да уклонится ко мне: и лишенным разума повелеваю, глаголющи: хлебом сокровенным в сладость прикоснитеся, и воду татьбы сладкую пийте. Он же не весть, яко земнороднии у нея погибают, и во дне ада обретаются. Но отскочи, не замедли на месте ея, ниже настави ока своего к ней: тако бо пройдеши воду чуждую, и прейдеши реку чуждую. От воды же чуждия ошайся, и от источника чуждаго не пий: да многое время поживеши, и приложатся тебе лета живота.

Замечательно, что Премудрость зовет к себе безумных: "кто неразумен, обратись сюда" (Прит. 9, 4). Стало быть умникам нет входа в дом Премудрости или в св. Церковь. Умность всякую надо отложить у самого входа в этот дом. С другой стороны, если всякая мудрость и ведение только в доме Премудрости, то вне сего дома, вне св. Церкви, только безумие. неведение и слепота. Дивное Божие учреждение! Входя в Церковь, оставь ум свой и станешь истинно умным; оставь свою самодеятельность, и станешь истинным деятелем; отвергнись и всего себя, и станешь настоящим владыкою над собою. Ах, когда бы мир уразумел премудрость эту! Но это сокрыто от него. Не разумея премудрости Божией, он вопиет на нее, и безумных разумников продолжает держать в ослеплении своем.