Пяток 32-й по Пятидесятнице. ЦСл.

Петр, Апостол Иисус Христов, избранным пришельцем разсеяния Понта, Галатии, Каппадокии, Асии и Вифинии, по прозрению Бога Отца, во святыни Духа, в послушание и кропление Крове Иисус Христовы, благодать вам и мир да умножится. О немже спасении взыскаша и испыташа пророцы, иже о вашей благодати прорекоша, испытающе, в каково или в кое время являше в них Дух Христов, прежде свидетельствуя о Христовых страстех, и яже по сих славах. Имже открыся, яко не им самем, но нам служаху сия, яже ныне возвестишася вам благовествовавшими вам Духом Святым посланным с небесе, в няже желают Ангели приникнути. Зане писано есть в Писании: се полагаю в Сионе камень краеуголен, избран, честен, и веруяй вонь не постыдится. Вам убо честь верующым, а противящымся камень, егоже небрегоша зиждущии, сей бысть во главу угла, и камень претыкания и камень соблазнаю. О немже и претыкаются слову противляющиися, на неже и положени быша. Вы же род избран, царское священие, язык свят, людие обновления, яко да добродетели возвестите из тмы вас Призвавшаго в чудный Свой свет, иже иногда не людие, ныне же людие Божии: иже не помиловани, ныне же помиловани бысте.


Рече Господь притчу сию: виноград насади человек, и огради оплотом, и ископа точило, и созда столп, и предаде его тяжателем, и отиде. И посла к тяжателем во время раба, да от тяжатель приимет от плода винограда. Они же емше его биша и отослаша тща. И паки посла к ним другаго раба, и того камением бивше, пробиша главу ему и послаша безчестна. И паки иного посла, и того убиша, и многи ины, овы убо биюще, овы же убивающе. Еще убо единаго сына име возлюбленнаго своего, посла и того к ним последи, глаголя, яко усрамятся сына моего. Они же тяжателе реша к себе, яко сей есть наследник, приидите, убием его, и наше будет наследствие. И емше его убиша и извергоша его вон из винограда. Что убо сотворит господь винограда? Приидет и погубит тяжатели и даст виноград инем. Ни Писания ли сего чли есте: камень, егоже не в ряду сотвориша зиждущии, сей бысть во главу угла, от Господа бысть сие, и есть дивно во очию нашею? И искаху Его яти, и убояшася народа, разумеша бо, яко к ним притчу рече, и оставльше Его отидоша.

В день Богоявления показано действием, что домостроительство спасения нашего совершается Господом Иисусом Христом по благоволению Отца при общении Святого Духа. Ныне же словом Апостола внушается нам, что и спасение каждого по тому домостроительству бывает не иначе, как действом Пресвятой Троицы Отца и Сына и Св. Духа: «по предведению Бога Отца, при освящении от Духа, к послушанию и окроплению Кровию Иисуса Христа» (1Пет.1:2). Прозревая имеющего уверовать Бог Отец сретает его благоволением Своим и призывает ко спасению благодатию Святого Духа. Дух Святый, призвав к вере и укрепив в ней, окропляет уверовавшего кровию Господа Спасителя в таинстве крещения и, получив чрез то вход в него, Сам вселяется в него и всячески содействует ему в устроении своего спасения. Да хвалим, поем и величаем Троицу Пресвятую, благую содетельницу нашего спасения, и, с своей стороны, «прилагая к сему все старание» (2Пет.1:5), поспешим благоукрасить себя всякими добродетелями по образу Создавшего и Воссоздавшего нас, чтоб не оказаться «без успеха и плода в познании Господа» (2Пет.1:8) и не заградить себе «вход в вечное Царство Господа нашего» (2Пет.1:11), к которому призваны.