Суббота 3-я по Пасце. ЦСл.

Во дни оны, Павел с сущими в Дамасце учениками на сонмищих проповедаше Иисуса, яко Сей есть Сын Божий. Дивляхуся же вси слышащии и глаголаху: не сей ли есть гонивый во Иерусалиме нарицающия имя сие, и зде на сие прииде, да связаны тыя приведет ко архиереем? Савл же паче крепляшеся и смущаше иудеи живущия в Дамасце, препирая, яко Сей есть Христос. Якоже исполнишася дние доволни, совещаша иудее убити его, Уведан же бысть Савлу совет их: стрежаху же врат день и нощь, яко да убиют его: Поемше же его ученицы нощию, свесиша по стене в кошнице. Пришед же Савл во Иерусалим, покушашеся прилеплятися учеником: и вси бояхуся его, не верующе, яко есть ученик. Варнава же приемь его, приведе ко апостолом и поведа им, како на пути виде Господа, и яко глагола ему, и како в Дамасце дерзаше о имени Иисусове. И бяше с ними входя и исходя во Иерусалиме и дерзая о имени Господа Иисуса. Глаголаше же и стязашеся с еллины: они же искаху убити его. Разумевше же братия, сведоша его в Кесарию и отпустиша его в Тарс. Церкви же по всей Иудеи и Галилеи и Самарии имеяху мир, созидающася и ходяща в страсе Господни, и утешением Святаго Духа умножахуся.


Рече Господь Своим учеником: сия заповедаю вам, да любите друг друга. Аще мир вас ненавидит, ведите, яко Мене прежде вас возненавиде: Аще от мира бысте были, мир убо свое любил бы: якоже от мира несте, но Аз избрах вы от мира, сего ради ненавидит вас мир. Поминайте слово, еже Аз рех вам: несть раб болий господа своего: аще Мене изгнаша, и вас изженут: аще слово Мое соблюдоша, и ваше соблюдут: Но сия вся творят вам за имя Мое, яко не ведят Пославшаго Мя. Аще не бых пришел и глаголал им, греха не быша имели: ныне же вины {извинения} не имут о гресе своем: Ненавидяй Мене, и Отца Моего ненавидит: Аще дел не бых сотворил в них, ихже ин никтоже сотвори, греха не быша имели: ныне же и видеша, и возненавидеша Мене и Отца Моего: Но да сбудется слово, писанное в законе их, яко возненавидеша Мя туне. Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетелствует о Мне: И вы же свидетелствуете, яко искони со Мною есте. Сия глаголах вам, да не соблазнитеся. От сонмищ ижденут вы: но приидет час, да всяк, иже убиет вы, возмнится службу приносити Богу.

Когда Св. Павел стал проповедовать в Дамаске, все дивились, говоря: «не тот ли это самый, который гнал призывающих Имя Сие?» (Деян.9:21) И всегда так бывает, что те, среди которых кто-либо обращается от неверия к вере, или от греха к добродетели, дивятся, что сделалось с этим обращенным? Все шло у него по-нашему, а тут вдруг все стало иначе: и речь, и взор, и поступь, и мысли не те, и начинания иные, и места посещения другие. Тут то же бывает, как если бы шел кто на запад и вдруг повернул на восток. Обе эти жизни противоположны и одна другую исключают. Кто захотел бы совместить их или составить цельную жизнь частью из того, частью из другого, тот потратит и время и труды, а успеха никакого не будет. Какое общение! Только не понимающие дела могут говорить: «зачем так круто!»