Суббота 2-я по Пасце. ЦСл.

Во дни оны, слышавше апостоли, внидоша по утренице {утро} в церковь и учаху. Пришед же архиерей и иже с ним, созваша собор и вся старцы от сынов Израилевых и послаша во узилище, привести их. Слуги же шедше не обретоша их в темнице, возвращшежеся возвестиша, Глаголюще, яко темницу убо обретохом заключену со всяким утверждением и блюстители стоящия пред дверьми: отверзше же, внутрь ни единаго обретохом. Якоже слышаша словеса сия архиерей же и воевода церковный и первосвященницы, недоумевахуся о них, что убо будет сие. Пришед же некто возвести им, глаголя, яко се, мужие, ихже всадисте в темницу, суть в церкви стояще и учаще люди. Тогда шед воевода со слугами, приведе их не с нуждею, бояхуся бо людий, да не камением побиют их: Приведше же их, поставиша на сонмищи, и вопроси их архиерей, глаголя: Не запрещением ли запретихом вам не учити о имени сем? и се, исполнисте Иерусалим учением вашим и хощете навести на ны кровь Человека Сего. Отвещав же Петр и апостоли реша: повиноватися подобает Богови паче, нежели человеком: Бог отец наших воздвиже Иисуса, Егоже вы убисте, повесивше на древе: Сего Бог Началника и Спаса возвыси десницею Своею, дати покаяние Израилеви и оставление грехов: И мы есмы Того свидетелие глагол сих, и Дух Святый, Егоже даде Бог повинующимся Ему. Они же слышавше распыхахуся и совещаша убити их.


Во время оно, видевше человецы знамение, еже сотвори Иисус, глаголаху, яко Сей есть воистинну Пророк грядый в мир. Иисус убо разумев, яко хотят приити, да восхитят Его и сотворят Его царя, отыде паки в гору един. Яко позде бысть, снидоша ученицы Его на море, И влезоша в корабль, и идяху на он пол моря в Капернаум. И тма абие бысть, и не (у) бе пришел к ним Иисус. Море же, ветру велию дыхающу, воздвизашеся. Гребше же яко стадий двадесять пять или тридесять, узреша Иисуса ходяща по морю и близ корабля бывша, и убояшася. Он же глагола им: Аз есмь, не бойтеся. Хотяху убо прияти Его в корабль: и абие корабль бысть на земли, в нюже идяху. Во утрий (же) народ, иже стояше об он пол моря, видев, яко корабля иного не бе ту, токмо един той, в оньже внидоша ученицы Его, и яко не вниде со ученики Своими Иисус в корабль, но едини ученицы Его идоша: И ини приидоша корабли от Тивериады близ места, идеже ядоша хлебы, хвалу воздавше Господеви: Егда же видеша народи, яко Иисуса не бысть ту, ни ученик Его, влезоша сами в корабли, и приидоша в Капернаум, ищуще Иисуса, И обретше Его об он пол моря, реша Ему: Равви, когда зде бысть {когда семо пришел еси}? Отвеща им Иисус и рече: аминь, аминь глаголю вам, ищете Мене, не яко видесте знамение, но яко яли есте хлебы и насытистеся: Делайте же не брашно гиблющее, но брашно пребывающее в живот вечный, еже Сын Человеческий вам даст: Сего бо Отец знамена Бог.

Что прежде Петр и Иоанн говорили властям, то же потом сказали им и все апостолы: «должно повиноваться больше Богу, нежели человекам; Бог отцов наших воскресил Иисуса, которого вы умертвили, повесивши на древе; Его возвысил Бог десницею Своею в Начальника и Спасителя, дабы дать Израилю покаяние и прощение грехов; свидетели Ему в сем мы и Дух Святый, которого Бог дал повинующимся Ему» (Деян.5:29–32). Какая искренность, полнота, определенность и ясность исповедания! Бог так устроил, чтобы Распятому быть Спасителем нашим чрез оставление грехов в покаянии. Свидетели – апостолы очевидцы и Дух Святой, явно действовавший в них и во всех верующих. Те же свидетели и до наших дней пребывают в силе. Что св. апостолы говорят, это то же, как бы мы сами видели и слышали то своими очами и ушами. И Дух благодати действует непрерывно в св. Церкви, в чудотворениях, в обращении грешников и, особенно, в претворении прилежно работающих Господу, в их освящении и исполнении очевидными благодатными дарами. Последнее придает большую силу первому, и оба вместе сильны образовать крепкое убеждение в истине Христовой, во всех душах истинолюбивых. Благодарение Богу истины, истину Свою так ясно нам являющему!..