Вторник Светлой седмицы. ЦСл.

Во дни оны, став Петр со единонадесятьми, воздвиже глас свой и рече им: мужие Иудейстии и живущии во Иерусалиме вси, сие вам разумно да будет, и внушите глаголы моя: не бо, якоже вы непщуете, сии пияни суть, есть бо час третий дне: но сие есть реченное пророком Иоилем: и будет в последния дни, глаголет Господь, излию от Духа Моего на всяку плоть, и прорекут сынове ваши и дщери вашя, и юноши ваши видения узрят, и старцы ваши сония видят: ибо на рабы Моя и на рабыни Моя во дни оны излию от Духа Моего, и прорекут: и дам чудеса на небеси горе и знамения на земли низу, кровь и огнь и курение дыма: солнце преложится во тму, и луна в кровь, прежде даже не приити дню Господню великому и просвещенному: и будет, всяк, иже аще призовет имя Господне, спасется.


Во время оно, Петр востав тече ко гробу, и приник виде ризы едины лежаща: и отыде, в себе дивяся бывшему. И се, два от них беста идуща в тойже день в весь отстоящу стадий шестьдесят от Иерусалима, ейже имя Еммаус: и та беседоваста к себе о всех сих приключшихся. И бысть беседующема има и совопрошающемася, и Сам Иисус приближився идяше с нима: очи же ею держастеся, да Его не познаета. Рече же к нима: что суть словеса сия, о нихже стязаетася к себе идуща, и еста дряхла? Отвещав же един, емуже имя Клеопа, рече к Нему: Ты ли един пришлец еси во Иерусалим, и не уведел еси бывших в нем во дни сия? И рече има: киих? Она же реста Ему: яже о Иисусе Назарянине, Иже бысть муж пророк, силен делом и словом пред Богом и всеми людьми: како предаша Его архиерее и князи наши на осуждение смерти и распяша Его: мы же надеяхомся, яко Сей есть хотя избавити Израиля: но и над всеми сими, третий сей день есть днесь, отнелиже сия быша: но и жены некия от нас ужасиша ны, бывшыя рано у гроба: и не обретшя телесе Его, приидоша, глаголющя, яко и явление Ангел видеша, иже глаголют Его жива: и идоша нецыи от нас ко гробу и обретоша тако, якоже и жены реша: Самаго же не видеша. И Той рече к нима: о несмысленная и косная сердцем, еже веровати о всех, яже глаголаша пророцы: не сия ли подобаше пострадати Христу и внити в славу Свою? И начен от Моисеа и от всех пророк, сказаше има от всех Писаний яже о Нем. И приближишася в весь, в нюже идяста: и Той творяшеся далечайше ити: и нуждаста Его, глаголюща: облязи с нама, яко к вечеру есть, и приклонился есть день. И вниде с нима облещи. И бысть яко возлеже с нима, (и) приим хлеб благослови, и преломив даяше има: онема же отверзостеся очи, и познаста Его: и Той невидимь бысть има. И рекоста к себе: не сердце ли наю горя бе в наю, егда глаголаше нама на пути и егда сказоваше нама Писания? И воставша в той час, возвратистася во Иерусалим и обретоста совокупленых единонадесяте и иже бяху с ними, глаголющих, яко воистинну воста Господь и явися Симону. И та поведаста, яже быша на пути, и яко познася има в преломлении хлеба.

Тогда иудеи свет Воскресения Христова покушались затмить легким туманом лжи: «ученики... украли» (Мф.28:13). Эту ничтожность легко было преодолеть, и истина восторжествовала. Но и по сие время враг не перестает туманить пред Солнцем Воскресения, надеясь затмить его. Никто да не смущается! От отца лжи чего ожидать, кроме лжи? Он многих из своих клевретов научил целые книги писать против Воскресения. Этот книжный туман книгами и рассеян. Не бери худой книги и не отуманишься, а случится нечаянно напасть на такую, возьми в противоядие книгу добрую и освежишь голову и грудь. Бывает другой туман от врага – в помыслах. Но и этот тотчас рассеется, как дым от ветра, от здравого рассуждения христианского. Пройди рассуждением все совершившееся и увидишь ясно как день, что всему этому совершиться иначе нельзя было, как силою Воскресения Христова. Это убеждение будет для тебя потом твердынею, установившись на которой, легко станешь отражать и поражать врагов истины.