Среда 35-я по Пятидесятнице. ЦСл.

Возлюбленнии, аще сердце наше не зазрит нам, дерзновение имамы к Богу. И егоже аще просим, приемлем от Него, яко заповеди Его соблюдаем, и угодная пред Ним творим. И сия есть заповедь Его, да веруем во Имя Сына Его Иисуса Христа и любим друг друга, якоже дал есть заповедь нам. И соблюдаяй заповеди Его, в Нем пребывает, и Той в нем, и о сем разумеем, яко пребывает в нас, от Духа, Егоже дал есть нам. Возлюбленнии, не всякому духу веруйте, но искушайте духи, аще от Бога суть, яко мнози лжепророцы изыдоша в мир. О сем познавайте Духа Божия и духа лестча: всяк дух, иже исповедует Иисуса Христа во плоти пришедша, от Бога есть. И всяк дух, иже не исповедует Иисуса Христа во плоти пришедша, от Бога несть, и сей есть антихристов, егоже слышасте, яко грядет, и ныне к мире есть уже. Вы от Бога есте, чадца, и победисте тех, яко болий есть Иже в вас, нежели иже в мире. Они от мира суть, сего ради от мира глаголют, и мир тех послушает. Мы от Бога есмы, иже знает Бога, послушает нас, и иже несть от Бога, не послушает нас.


Во время оно, глаголющу Иисусови ко учеником Своим, прииде Иуда, един сый от обоюнадесяте, и с ним народ мног со оружием и дрекольми, от архиерей и книжник и старец. Даде же предаяй Его знамение им, глаголя: Егоже аще лобжу, Той есть, имите Его и ведите Его сохранно. И пришед, абие приступль к Нему, глагола Ему: Равви, Равви. И облобыза Его. Они же возложиша руце Свои на него и яша Его. Един же некто от стоящих извлек нож, удари раба архиереова и уреза ему ухо. И отвещав Иисус рече им: яко на разбойника ли изыдосте со оружием и дрекольми яти Мя? По вся дни бех при вас в церкви учя, и не ясте Мене, но да сбудется Писание. И оставльше Его, вси бежаша. И един некто юноша иде по Нем, одеян в плащаницу по нагу, и яша того юношу. Он же оставль плащаницу, наг бежа от них. И ведоша Иисуса ко архиерею, и снидошася к нему вси архиерее и книжницы и старцы. И Петр издалеча вслед Его иде до внутрь во двор архиереов, и бе седя со слугами и греяся при свещи. Архиерее же и весь сонм искаху на Иисуса свидетельства, да умертвят Его, и не обретаху. Мнози бо лжесвидетелствоваху на Него, и равна свидетелства не бяху. И нецыи воставше лжесвидетелствоваху на Него, глаголюще: яко мы слышахом Его глаголюща, яко Аз разорю церковь сию рукотвореную и треми денми ину нерукотворену созижду. И ни тако равно бе свидетелство их. И востав архиерей посреде, вопроси Иисуса, глаголя: не отвещаваеши ли ничесоже? Что сии на Тя свидетелствуют? Он же молчаше и ничтоже отвещаваше. Паки архиерей вопроси Его и глагола Ему: Ты ли еси Христос, Сын Благословеннаго? Иисус же рече: Аз есмь, и узрите Сына Человеческаго о десную седяща силы и грядуща со облаки небесными. Архиерей же растерзав ризы своя, глагола: что еще требуем свидетелей? Слышасте хулу, что вам мнится? Они же вси осудиша Его быти повинна смерти. И начаша нецыи плювати Нань, и прикрывати лице Его, и мучити Его, и глаголати Ему: прорцы. И слуги по ланитома Его бияху. И сущу Петрови во дворе низу, прииде едина от рабынь архиереовых, и видевши Петра греющася, воззревши на него, глагола: и ты с Назарянином Иисусом был еси. Он же отвержеся, глаголя: не вем, ниже знаю, что ты глаголеши. И изыде вон на преддворие, и алектор возгласи. И рабыня видевши его паки, начат глаголати предстоящым, яко сей от них есть. Он же паки отметашеся. И помале паки предстоящии глаголаху Петрови: воистинну от них еси, ибо Галилеанин еси, и беседа твоя подобится. Он же нача ротитися и клятися, яко не вем Человека Сего, Егоже вы глаголете. И второе алектор возгласи. И помяну Петр глагол, егоже рече ему Иисус, яко прежде даже петель не возгласит двакраты, отвержешися Мене трикраты. И начен плакашеся. И абие наутрие совет сотвориша архиерее со старцы и книжники, и весь сонм, связавше Иисуса ведоша и предаша Его Пилату.

Нужна помощь – проси. Просил, говоришь, не дана. Но как же другим дается? У Господа нет лицеприятия, чтобы одному дать, а другому не дать без всякой причины. Он всем готов дать, будучи любоподателен. Если иному не дает, причина не в Нем, а в просящем помощи. Между этими причинами могут быть и такие, которых мы и угадать не можем. Но есть причины ведомые, всякому самому видные. Одну из таких – и не главнейшую ли? – указывает св. Иоанн в отсутствии дерзновения, а отсутствие дерзновения производит из осуждения сердца или совести. «Возлюбленные, – говорит, – если сердце наше не осуждает нас, то мы имеем дерзновение к Богу и, чего ни попросим, получим от Него, потому что соблюдаем заповеди Его и делаем благоугодное пред Ним» (1Ин.3:21–22). К этим словам нечего прибавлять. Все ясно само собою. Какой господин станет помогать неверному слуге, моту и развратнику? А Господь будто поблажать будет нам, когда мы не хотим угождать Ему и заповеди Его творить, когда, может быть, тут-то и за молитву беремся, когда приспела крайняя нужда?!