Понедельник 35-й по Пятидесятнице. ЦСл.

Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть. От нас изыдоша, но не беша от нас, аще бы от нас были, пребыли убо быша с нами, но да явятся, яко не суть вси от нас. И вы помазание имате от Святаго, и весте вся. Не писах вам, яко не весте истины, но яко весте ю и яко всяка лжа от истины несть. Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына. Всяк отметаяйся Сына, ни Отца имать, а исповедаяй Сына, и Отца имать. Вы убо еже слышасте исперва, в вас да пребывает, и аще в вас пребудет, еже исперва слышасте, и вы в Сыне и Отце пребудете. И сие есть обетование, еже Сам обеща нам, живот вечный. Сия писах вам о льстящих вас. И вы еже помазание приясте от Него, в вас пребывает, и не требуете, да кто учит вы: но яко то само помазание учит вы о всем, и истинно есть, и несть ложно: и якоже научи вас, пребывайте в нем. И ныне, чадца, пребывайте в Нем, да егда явится, имамы дерзновение и не посрамимся от Него в пришествии Его. Аще весте, яко праведник есть, разумейте, яко всяк творяй правду от Него родися. Видите, какову любовь дал есть Отец нам, да чада Божия наречемся, и будем. Сего ради мир не знает нас, зане не позна Его. Возлюбленнии, ныне чада Божия есмы, и не у явися, что будем: вемы же, яко, егда явится, подобни Ему будем, ибо узрим Его, якоже есть. И всяк имеяй надежду сию Нань, очищает себе, якоже Он чист есть. Всяк творяй грех, и беззаконие творит: и грех есть беззаконие. И весте, яко Он явися, да грехи нашя возмет, и греха в Нем несть. Всяк, иже в Нем пребывает, не согрешает: всяк согрешаяй не виде Его, ни позна Его. Чадца, никтоже да льстит вас. Творяй правду праведник есть, якоже Он праведен есть. Творяй грех от диавола есть, яко исперва диавол согрешает. Сего ради явися Сын Божий да разрушит дела диаволя. Всяк рожденный от Бога греха не творит, яко семя Его в нем пребывает, и не может согрешати, яко от Бога рожден есть. Сего ради явлена суть чада Божия и чада диаволя.


Во время оно, приближися Иисус во Иерусалим, и прииде в Вифсфагию и Вифанию, к горе Елеонстей, посла два от ученик Своих и глагола има: идита в весь, яже есть прямо вама, и абие входяща в ню, обрящета жребя привязано, на неже никтоже от человек вседе, отрешша е, приведита. И аще кто вама речет: что творита сие? Рцыта, яко Господь требует е, и абие послет е семо. Идоста же, и обретоста жребя привязано при дверех вне на распутии, и отрешиста е. И нецыи от стоящих ту глаголаху има: что деета отрешающа жребя? Она же реста им, якоже заповеда има Иисус, и оставиша я. И приведоста жребя ко Иисусови, и возложиша на не ризы своя, и вседе на не. Мнози же ризы своя постлаша по пути, друзии же ваиа резаху от древия и постилаху по пути. И предходящии и вслед грядущии вопияху, глаголюще: осанна, благословен Грядый во имя Господне, благословено грядущее царство во имя Господа отца нашего Давида, осанна в вышних. И вниде во Иерусалим Иисус и в церковь, и соглядав вся, позде уже сущу часу, изыде в Вифанию со обеманадесяте.

Вчера притча о блудном приглашала нас возвратиться от беспутства на добрый путь. Ныне св. Апостол Иоанн воодушевляет нас к тому, удостоверяя, что если сделаем это, то, когда явится Господь, будем подобны Ему. Что может сравниться с таким достоинством?! Предполагаю, что слыша это, ты порываешься желанием и себе достигнуть его. Доброе и больше всего благопотребное дело! Не отлагай же взяться и за то, чрез что это достигается. Читай далее: «всякий, имеющий эту надежду на Него, очищает себя, так как Он чист» (1Ин.3:3). Есть ли что у тебя подлежащее очищению? Конечно, найдется не малое нечто. Спеши же: ибо туда, где Господь, ничто не войдет нечистое. Но и не ужасайся трудности дела. Сам же Господь и помощник тебе будет во всем. Возжелай только всеусердно и к Господу обратись за благопотребною помощью. К твоим усилиям привтечет Его благодатная сила, и дело пойдет легко и успешно. Как нет греха, побеждающего милосердие Божие, так нет никакой нечистоты нравственной, которая бы устояла против съедающей ее благодатной силы. Будь только с твоей стороны нехотение этой нечистоты, посильное усилие к отторжению ее, и прибегание с верою к Господу.