Вторник 33-й по Пятидесятнице. ЦСл.

Возлюбленнии, хотяй живот любити и видети дни благи, да удержит язык свой от зла, и устне свои еже не глаголати льсти. Да уклонится от зла, и да сотворит благо, да взыщет мира и да держится его, зане очи Господни на праведныя, и ушы Его в молитву их, лице же Господне на творящыя злая, еже потребити их от земли. И кто озлобит вас, аще благому подобницы будете? Но аще и страждете правды ради, блажени есте, страха же их не убойтеся, ниже смущайтеся. Господа же Бога освятите в сердцах ваших: готови же присно ко ответу всякому вопрошающему вы словесе о вашем уповании, с кротостию и страхом, совесть имуще благу, да о немже клевещут вас аки злодеев, постыдятся злословящии ваше благое о Христе житие. Лучше бо есть благое творящым, аще хощет воля Божия, пострадати, нежели зло творящым. Зане и Христос единою о гресех наших пострада, праведник за неправедники, да приведет ны Богови, умерщвлен убо быв плотию, ожив же духом, о немже и сущым в темнице духовом сошед проповеда, противльшымся иногда, егда ожидаше Божие долготерпение, во дни Ноевы, делаему ковчегу, в немже мало, сиречь осмь душ, спасошася от воды. Егоже воображение ныне и нас спасает крещение, не плотския отложение скверны, но совести благи вопрошение у Бога, воскресением Иисус Христовым, Иже есть о десную Бога, возшед на небо, покоршымся Ему Ангелом и Властем и Силам.


Во время оно, приидоша саддукее ко Иисусу, иже глаголют воскресению не быти, и вопросиша Его, глаголюще: Учителю, Моисей написа нам, яко аще кому брат умрет и оставит жену, а чад не оставит, да поймет брат его жену его и воскресит семя брату своему. Седмь братий бе, и первый поят жену и умирая не остави семене, и вторый поят ю и умре, и ни той остави семене, и третий такожде, и пояша ю седмь и не оставиша семене, последи же всех умре и жена. В воскресение убо, егда воскреснут, которому их будет жена, седмь бо имеша ю жену. И отвещав Иисус рече им: не сего ли ради прельщаетеся, не ведуще Писания, ни силы Божия? Егда бо из мертвых воскреснут, ни женятся, ни посягают, но суть яко Ангели на небесех. О мертвых же, яко востают, несте ли чли в книгах Моисеовых, при купине яко рече ему Бог, глаголя: Аз Бог Авраамов и Бог Исааков и Бог Иаковль? Несть Бог мертвых, но Бог живых, вы убо много прельщаетеся.

«Господа Бога святите в сердцах ваших» (1Пет.3:15). Освящение Господа в сердце есть душа и дух изображаемого выше сокровенного сердца человека. Как первоначально Бог, создав из частиц персти тело человека, вдунул в него дыхание жизни, и стал человек как следует быть; так и созидаемый внутри из показанных добродетелей «сокровенный сердца человек» (1Пет.3:4) тогда только явится настоящим духовным человеком, когда это сердце будет святить Господа Бога, как и в молитве Господней читаем: «да святится имя Твое». Если не будет этого, то слеплеваемый из сказанных добродетелей человек выйдет мертворожденное дитя без духа жизни. Да ведают это думающие обойтись с одними некими добродетелями без всякого отношения к Богу! Что есть святить Бога в сердце? Непрестанно благоговеинствовать пред Ним, всегда нося в уме помышление о Его вездеприсутствии, всею ревностью ревновать, в каждое мгновение благоугодным пред Ним быть и со всяким страхом остерегаться всего Ему неугодного, особенно же Его отеческому попечению предав весь живот свой, и временный и вечный, все случающееся смиренно, благопокорливо и благодарно принимать, как прямо от руки Его идущее.