Вторник 32-й по Пятидесятнице. ЦСл.

Братие, не мнози учители бывайте, братие моя, ведяще, яко большее осуждение приимем, много бо согрешаем вси. Аще кто в слове не согрешает, сей совершен муж, силен обуздати и все тело. Се бо и конем узды во уста влагаем, да повинуются нам, и все тело их обращаем. Се и корабли велицы суще и от жестоких ветров заточаеми, обращаются малым кормилцем, аможе стремление правящаго хощет. Такожде же и язык мал уд есть, и вельми хвалится. Се мал огнь, и коль велики вещи сожигает. И язык огнь, лепота неправды: сице и язык водворяется во удех наших, скверня все тело, и паля коло рождения нашего, и опаляяся от геенны. Всяко бо естество зверей же и птиц, гад же и рыб, укрощается и укротится естеством человеческим, языка же никтоже может от человек укротити, не удержимо бо зло, исполнь яда смертоносна. Тем благословляем Бога и Отца, и тем кленем человеки бывшыя по подобию Божию, от техже уст исходит благословение и клятва. Не подобает, братие моя возлюбленная, сим тако бывати.


Во время оно, вниде Иисус во Иерусалим и в церковь, и соглядав вся, позде уже сущу часу, изыде в Вифанию со обеманадесяте. И наутрие изшедшым им от Вифании, взалка. И видев смоковницу издалеча, имущу листвие, прииде, аще убо что обрящет на ней, и пришед к ней, ничесоже обрете, токмо листвие, не у бо бе время смоквам. И отвещав Иисус рече ей: да не ктому от тебе во веки никтоже плода снесть. И слышаху ученицы Его. И приидоша паки во Иерусалим. И вшед Иисус в церковь, начат изгонити продающыя и купующыя в церкви, и трапезы торжником и седалища продающих голуби испроверже. И не даяше, да кто мимонесет сосуд сквозе церковь. И учаше, глаголя им: несть ли писано, яко храм Мой храм молитвы наречется всем языком? Вы же сотвористе его вертеп разбойником. И слышаша книжницы и архиерее, и искаху, како Его погубят, бояхубося Его, яко весь народ дивляшеся о учении Его. И яко позде бысть, исхождаше вон из града. И утро мимоходяще, видеша смоковницу изсохшу из корения. И воспомянув Петр глагола Ему: Равви, виждь, смоковница, юже проклял еси, усше. И отвещав Иисус глагола им: имейте веру Божию. Аминь бо глаголю вам, яко, иже аще речет горе сей: двигнися и верзися в море, и не размыслит в сердцы своем, но веру имет, яко еже глаголет, бывает, будет ему, еже аще речет.

У смоковницы, которая была богата листьями, а плодов не имела, Господь отнял благословение, – и она иссохла. Это урок действием. Под этой смоковницей разумеются люди, по виду исправные, а в существе дела недостойные одобрения. Кто же такие? Которые красно разглагольствуют о вере, а самой веры не имеют, – держат только в уме предметы веры. И те таковы, которые по внешнему поведению исправны, а по чувствам и расположениям очень неисправны, и дела исправные являют только дотоле, пока нельзя скрыть неисправности в них, а когда можно – не делают. Например, милостыню подает, когда просит кто при людях, а попроси наедине, еще разбранит. Богу молиться в церковь идет, и на виду всех молится, и дома молится, чтоб не осрамиться пред домашними. Но как скоро один, и лба не перекрестит. О мысленном же и сердечном к Богу обращении и понятия не имеет. Будем молиться, чтобы Бог не попустил нам быть такими. Ибо тогда не миновать нам суда изреченного над смоковницею.