Понедельник 30-й по Пятидесятнице. ЦСл.

Братие, аще бы первый закон непорочен был, не бы второму искалося место. Укоряя бо их глаголет: се, дние грядут, глаголет Господь, и совершу на дом Израилев и на дом Иудов завет нов, не по завету, егоже сотворих отцем их в день, в оньже емшу ми их за руку, извести их от земли Египетския, зане тии не пребыша в завете Моем, и Аз нерадих о них, глаголет Господь. Яко сей завет, егоже завещаю дому Израилеву по онех днех, глаголет Господь, дая законы Моя в мысли их, и на сердцах их напишу их, и буду им Бог, и тии будут Мне людие. И не имать научити кийждо искренняго своего и кийждо брата своего, глаголя: познай Господа, яко вси уведят Мя от мала даже и до велика их, зане милостив буду неправдам их и грехов их и беззаконий их не имам помянути ктому. Внегда же глаголет нов, обветши перваго, а обветшавающее и состаревающееся близ есть истления.


Во время оно, изыдоша фарисее и начаша стязатися со Иисусом, ищуще от Него знамения с небесе, искушающе Его. И воздохнув духом Своим, глагола: что род сей знамения ищет? Аминь глаголю вам, аще дастся роду сему знамение. И оставль их, влез паки в корабль, и иде на он пол. И забыша ученицы Его взяти хлебы и разве единаго хлеба не имяху с собою в корабли. И прещаше им, глаголя: зрите, блюдитеся от кваса фарисейска и от кваса Иродова. И помышляху, друг ко другу глаголюще, яко хлебы не имамы. И разумев Иисус, глагола им: что помышляете, яко хлебы не имате? Не у ли чувствуете, ниже разумеете? Еще ли окаменено сердце ваше имате? Очи имуще не видите? И ушы имуще не слышите? И не помните ли, егда пять хлебы преломих в пять тысящ, колико кош исполнь укрух приясте? Глаголаша Ему: дванадесять. Егда же седмь в четыре тысящы, колико кошниц исполнения укрух взясте? Они же реша: седмь. И глагола им: како не разумеете?

Плыл Господь с учениками на другую сторону моря, а они забыли взять хлебов, и имели с собою только один хлеб, и стали думать, как тут им быть. Ведая помышления их, Господь напомнил о насыщении четырех и пяти тысяч народа, возведя их тем к твердому упованию, что при Нем не умрут с голоду, хоть бы и ни одного хлеба не имели. Сколько тревог наводит иногда на каждого помышление о безвестном будущем! Успокоение от этих тревог одно – упование на Господа, а оживление и укрепление почерпается из разумного рассмотрения того, что уже было с нами и с другими. Не найдется ни один человек, который бы в жизни своей не испытал нечаянных избавлений от беды или нечаянных поворотов жизни его на лучшее. Воспоминаниями о таких случаях и оживляй душу свою, когда начнут томить ее мрачные мысли о том, как быть. Бог все устроит к лучшему и теперь, как бывало прежде. Положись на Него; еще прежде избавления от беды, Он пошлет тебе благодушие, при котором и не заметишь беды своей. «Уповающаго же на Господа милость обыдет*» (Пс.31:10). Рассматривай опыты сего в Священном Писании, в житиях святых, в своей жизни и жизни знакомых твоих и увидишь, как в зеркале, как «близ Господь всем призывающим Его» (Пс.144:18). И страхования за участь свою не возмутят души твоей.

* «обыдет» – «окружит».