Четверток 28-й по Пятидесятнице. ЦСл.

Чадо Тите, сего ради оставих тя в Крите, да недокончанная исправиши и устроиши по всем градом пресвитеры, якоже тебе аз повелех. Аще кто есть непорочен, единыя жены муж, чада имый верна, не во укорении блуда, или непокорива. Подобает бо епископу без порока быти, якоже Божию строителю: не себе угождающу, не дерзу, не напрасливу, не гневливу, не пиянице, не биице, не скверностяжательну, но страннолюбиву, благолюбцу, целомудренну, праведну, преподобну, воздержателну, держащемуся вернаго словесе по учению, да силен будет и утешати во здравем учении, и противящыяся обличати. Суть бо мнози непокориви, суесловцы и умом прельщени, наипаче же сущии от обрезания, ихже подобает уста заграждати, иже вся домы развращают, учаще яже не подобает, сквернаго ради прибытка. Рече же некто от них, свой им пророк: Критяне присно лживи, злии зверие, утробы праздныя. Свидетельство сие истинно есть. Еяже ради вины обличай их нещадно, да здрави будут в вере, не внимающе Иудейским баснем, ни заповедем человек отвращающихся от истины. Вся убо чиста чистым, оскверненым же и неверным ничтоже чисто, но осквернися их и ум и совесть. Бога исповедуют ведети, а делы отмещутся Его, мерзцы суще и непокориви и на всякое дело благое неискусни. Ты же глаголи, яже подобает здравому учению.


Рече Господь притчу сию: человек некий насади виноград, и вдаде его делателем, и отиде на лета многа, и во время посла к делателем раба, да от плода винограда дадут ему, делатели же бивше его, послаша тща. И приложи послати другаго раба, они же и того бивше и досадивше ему, послаша тща. И приложи послати третияго, они же и того уязвльше изгнаша. Рече же господин винограда: что сотворю? Послю сына моего возлюбленнаго, еда како, его видевше, усрамятся. Видевше же его делателе, мышляху в себе, глаголюще: сей есть наследник, приидите, убием его, да наше будет достояние. И изведше его вон из винограда, убиша. Что убо сотворит им господин винограда? Приидет и погубит делатели сия и вдаст виноград инем. Слышавше же рекоша: да не будет. Он же воззрев на них, рече: что убо писаное сие, камень, егоже небрегоша зиждущии, сей бысть во главу угла? Всяк падый на камени том, сокрушится, а на немже падет, стрыет его.

Притча о винограднике изображает ветхозаветную церковь; делатели – это тогдашняя ее иерархия. А так как она не соответствовала своему назначению, то совершился приговор над нею: взять у ней виноградник и отдать другим. Эти другие были сначала Св. апостолы, потом их преемники – архиереи со всем священством. Виноградник Божий – один от начала мира, и назначение делателей его одно было, есть и будет до скончания века – приносить Господину винограда плод – спасенные души. Это задача христианской иерархии, следовательно, и нашей. В какой мере исполняется она – все мы видим. Что же сказать на это? Во многом – слава Богу! – но во многом-многом нельзя не пожелать лучшего. Это особенно касается проповеди слова Божия. Где-то слышится проповедь; а между тем, это единственный садовый нож в руках делателей винограда Божия. Как бы и над нами не исполнилось: «господин виноградника придет и погубит виноградарей тех и отдаст виноградник другим» (Лк.20:15–16). Но как бы сами не ворвались эти иные и не погубили не только делателей, но и самый виноград...