Понедельник 25-й по Пятидесятнице. ЦСл.

Павел и Силуан, и Тимофей, церкви Солунстей, о Бозе Отце нашем и Господе Иисусе Христе: благодать вам и мир от Бога Отца нашего, и Господа Иисуса Христа. Благодарити должни есмы Бога всегда о вас, братие, якоже достойно есть, яко превозрастает вера ваша, и множится любовь единаго коегождо всех вас друг ко другу, яко самем нам хвалитися о вас в церквах Божиих, о терпении вашем и вере во всех гонениих ваших и скорбех, яже приемлете, показание праведнаго суда Божия, во еже сподобитися вам Царствия Божия, егоже ради и страждете. Аще убо праведно у Бога, воздати скорбь оскорбляющым вас, а вам оскорбляемым отраду с нами, во откровении Господа Иисуса с небесе, со Ангелы силы Своея, во огни пламенне дающаго отмщение не ведущым Бога и не послушающым благовествования Господа нашего Иисуса Христа. Иже муку приимут, погибель вечную, от лица Господня и от славы крепости Его, егда приидет прославитися во святых Своих и дивен быти во всех веровавших, яко уверися свидетельство наше в вас, в день он.


Во время оно, учащу Иисусу, рече Ему некий от народа: Учителю, рцы брату моему разделити со мною достояние. Он же рече ему: человече, кто Мя постави судию или делителя над вами? Рече же к ним: блюдите и хранитеся от лихоимства, яко не от избытка кому живот его есть от имения его. Сего ради глаголю вам: не пецытеся душею вашею, что ясте, ни телом, во что облечетеся, душа больши есть пищи, и тело одежды. Смотрите вран, яко не сеют, ни жнут, имже несть сокровища, ни житницы, и Бог питает их, кольми паче вы есте лучши птиц? Кто же от вас пекийся может приложити возрасту своему лакоть един? Аще убо ни мала чесо можете, что о прочих печетеся? Смотрите крины, како растут, не труждаются, ни прядут. Глаголю же вам, яко ни Соломон во всей славе своей облечеся, яко един от сих. Аще же траву, на селе днесь сущу и утре в пещь вмещему, Бог тако одевает, кольми паче вас, маловери? И вы не ищите, что ясте, или что пиете, и не возноситеся. Всех бо сих языцы мира сего ищут, ваш же Отец весть, яко требуете сих. Обаче ищите Царствия Божия, и сия вся приложатся вам.

«Кто поставил Меня судить или делить вас?» (Лк.12:14) – сказал Господь просившему о разделе с братом своим. Потом прибавил: «не заботьтесь, что... есть и пить и во что одеться» (Лк.12:22, 29). Прежде же учил: «оставьте мертвым погребать своих мертвецов» (Лк.9:60); в другой раз внушал, что «лучше не жениться» (Мф.19:10–12). Значит, внимание и сердце христиан, отклоняющиеся от всего житейского, и свобода от молв и уз житейских составляют одну из черт духа христианства. То, что Господь благословляет брак и утверждает его неразрывность, что восстановляет силу заповеди, определяющей отношения родителей и детей, и оставляет свое значение за гражданскою властию и гражданскими порядками, не изглаждает этой черты и не дает христианам права уклоняться от хранения ее и водружения в сердце. Сопоставь то и другое и увидишь, что на тебе лежит обязанность при всем житейском строе, держать сердце свое безжитейским. Как же это? Реши сам своею жизнью; в этом вся практическая мудрость. Господь руководит к решению сего следующим правилом: «ищите прежде Царствия Божия» (Мф.6:33, Лк.12:31). Обрати всю заботу на то, чтоб воцарился Бог в тебе, и все житейское потеряет для тебя вяжущее и тяготящее обаяние. Тогда будешь вести дела свои внешне, а внутреннее твое, твое сердце, будет обладаемо иным чем-то. Но если, вследствие этого, родится решимость пресечь и это внешнее отношение к житейскому, – не будешь в убытке: станешь ближе к цели, которую даст тебе вера Христова.