Четверток 22-й по Пятидесятнице. ЦСл.

Братие, в молитве терпите, бодрствующе в ней со благодарением. Молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь, да явлю ю, якоже подобает ми глаголати. В премудрости ходите ко внешним, время искупующе. Слово ваше да бывает всегда во благодати, солию растворено, ведети, како подобает вам единому комуждо отвещавати. Иже о мне, вся скажет вам Тихик, возлюбленный брат и верен служитель и соработник о Господе, егоже послах к вам на се истое, да разумеет яже о вас и утешит сердца ваша, со Онисимом, верным и возлюбленным братом нашим, иже есть от вас, вся вам скажут, яже зде.


Во время оно, приступи ко Иисусу един от ученик Его, и рече Ему: Наставниче, видехом некоего о имени Твоем изгоняща бесы, и возбранихом ему, яко вслед не ходит с нами. И рече к нему Иисус: не браните, иже бо несть на вы, по вас есть. Бысть же егда скончавахуся дние восхождению Его, и Той утверди лице Свое ити во Иерусалим. И посла вестники пред лицем Своим, и изшедше внидоша в весь Самарянску, яко да уготовят Ему. И не прияша Его, яко лице Его бе грядущее во Иерусалим. Видевша же ученика Его Иаков и Иоанн, реста: Господи, хощеши ли, речема, да огнь снидет с небесе и потребит их, якоже и Илиа сотвори? Обращься же запрети има, и рече: не веста, коего духа еста вы. Сын бо Человеческий не прииде душ человеческих погубити, но спасти. И идоша во ину весь.

Как относиться к неверам, неисповедующим Господа? Так же как Господь отнесся к непринявшей Его веси*. Юная ревность, являющая много жару, хотела бы огонь низвести на них с неба, но ее сдерживает Сам Господь: «не знаете, какого вы духа»... (Лк.9:55) Господь Спаситель, в принятии Которого состоит и самое спасение, ничего не сделал непринявшим Его, но, минуя их, «пошел в другую весь*» (Лк.9:55–56), предоставив их самим себе. Так и ныне надобно: пусть неверы идут своею дорогою, а верующие своею. Есть Бог, Который всех разберет в свое время. О них жалость и молиться надобно; надо желать, чтобы они познали истину и изыскивать случаи намекнуть им о ней, а когда гласно станут нападать на истину, дать им отпор любовный, но вразумительный – и довольно.

---

* Весь – село.