Четверток 20-й по Пятидесятнице. ЦСл.

Братие, радуйтеся о Господе. Таяжде бо писати вам, мне убо неленостно, вам же твердо. Блюдитеся от псов, блюдитеся от злых делателей, блюдитеся от сечения. Мы бо есмы обрезание, иже духом Богу служим и хвалимся о Христе Иисусе, а не в плоти надеемся. Ибо и аз имею надеяние такожде во плоти. Аще кто ин мнит надеятися во плоти, аз паче, обрезан осмодневно, от рода Израилева, колена Вениаминова, Евреин от Еврей, по закону фарисей, по ревности гоних Церковь Божию, по правде законней быв непорочен. Но яже ми бяху приобретения, сия вмених Христа ради тщету. Но убо вменяю вся тщету быти за превосходящее разумение Христа Иисуса Господа моего, Егоже ради всех отщетихся, и вменяю вся уметы быти, да Христа приобрящу.


Во время оно, изыде слово о Иисусе по всей Иудеи, и по всей стране. И возвестиша Иоанну ученицы его о всех сих. И призвав два некая от ученик своих Иоанн, посла ко Иисусу, глаголя: Ты ли еси Грядый, или иного чаем? Пришедша же к Нему мужа, реста: Иоанн Креститель посла нас к Тебе, глаголя: Ты ли еси Грядый, или иного чаем, в Той же час изцели многи от недуг и ран и дух злых и многим слепым дарова прозрение. И отвещав Иисус рече има: шедша возвестита Иоанну, яже видеста и слышаста, яко слепии прозирают, хромии ходят, прокаженнии очищаются, глусии слышат, мертвии востают, нищии благовествуют. И блажен есть, иже аще не соблазнится о Мне. Отшедшема же ученикома Иоанновома, начат глаголати к народом о Иоанне: чесо изыдосте в пустыню видети, трость ли ветром колеблему? Но чесо изыдосте видети? Человека ли в мягки ризы одеяна? Се, иже во одежди славней и пищи сущии, во царствии суть. Но чесо изыдосте видети? Пророка ли? Ей, глаголю вам, и лишше пророка. Сей бо есть, о немже писано есть: се, Аз послю Ангела Моего пред лицем Твоим, иже устроит путь Твой пред Тобою. Глаголю бо вам: болий в рожденных женами пророка Иоанна Крестителя никтоже есть, мний же во Царствии Божии болий его есть. И вси людие слышавше и мытарие оправдиша Бога, крещшеся крещением Иоанновым. Фарисее же и законницы совет Божий отвергоша о себе, не крещшеся от него.

Св. Иоанн Предтеча посылает учеников своих спросить Господа: Он ли «Тот, Который должен придти, или другого ожидать» (Лк.7:19) надобно? Не для себя он так спрашивал, ибо знал точно, Кто Иисус Христос, будучи извещен об этом с неба, но для учеников. И ученики искали решения этого вопроса не из совопросничества, а из искреннего желания знать истину. Таковым нет нужды много говорить; Господь и не говорит, а только указывает на то, что было в ту пору Им совершено. Божественные дела свидетельствовали о божестве Его. Это было так очевидно, что вопрошавшие не стали уже больше вопрошать. Так и всегда. Сила Божия живет в Церкви; искренний искатель истины тотчас осязает ее и удостоверяется в истине. Это опытное удостоверение полагает конец всем вопросам и совершенно успокаивает. Кто же не хочет верить, и, потеряв веру, начинает искать в Церкви и христианстве не основания веры, а поводов как бы оправдать свое неверие, тому никакие указания не кажутся удовлетворительными. Неверие же свое он считает основательным, хоть основания его мелочны и ничтожны. Того хочет его сердце, – потому все и сносно.