Суббота 12-я по Пятидесятнице. ЦСл.

Admin Broj poruka : 1565 Points : 3066 Reputation : 10 Datum upisa : 02.12.2008

Суббота 12-я по Пятидесятнице.

Апостол к Коринфянам, зачало 125. [1 Кор. 1, 26-29.]

Братие, видите звание ваше, яко не мнози премудри по плоти, не мнози сильни, не мнози благородни: но буяя мира избра Бог, да премудрыя посрамит, и немощная мира избра Бог, да посрамит крепкая: и худородная мира и уничиженная избра Бог, и не сущая, да сущая упразднит, яко да не похвалится всяка плоть пред Богом.

Евангелие Матфея, зачало 82. [Мф. 20, 29-34.]

Во время оно, исходящу Иисусу от Иерихона, по Нем иде народ мног. И се, два слепца седяща при пути, слышавша, яко Иисус мимоходит, возописта, глаголюща: помилуй ны, Господи, Сыне Давидов. Народ же прещаше има, да умолчита: она же паче вопияста, глаголюща: помилуй ны, Господи, Сыне Давидов. И востав Иисус возгласи я и рече: что хощета, да сотворю вама? Глаголаста Ему: Господи, да отверзетеся очи наю. Милосердовав же Иисус прикоснуся очию има: и абие прозреста има очи, и по Нем идоста.

» Суббота 2-я по Пятидесятнице.
» Седмица 9-я по Пятидесятнице.
» Суббота 24-я по Пятидесятнице. ЦСл.
» Суббота 2-я по Пятидесятнице. ЦСл.
» Суббота 5-я по Пятидесятнице.