Понедельник 3-й по Пасце. ЦСл.

Во дни оны, Стефан исполнь веры и силы творяше знамения и чудеса велия в людех. Восташа же нецыи от сонма глаголемаго Ливертинска и Киринейска и Александрска, и иже от Киликии и Асии, стязающеся со Стефаном: И не можаху противустати премудрости и Духу, Имже глаголаше. Тогда подустиша мужы глаголющия, яко слышахом его глаголюща глаголы хулныя на Моисеа и на Бога. Сподвигоша же люди и старцы и книжники, и нападше восхитиша его и приведоша на сонмище, Поставиша же свидетели ложны глаголющия, яко человек сей не престает глаголы хулныя глаголя на место святое сие и закон: Слышахом бо его глаголюща, яко Иисус Назорей сей разорит место сие и изменит обычаи, яже предаде нам Моисей. И воззревше нань вси седящии в сонмищи, видеша лице его яко лице ангела. Рече же архиерей: аще убо сия тако суть? Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань, И рече к нему: изыди от земли твоея и от рода твоего и от дому отца твоего, и прииди в землю, юже аще ти покажу. Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете, И не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду. Соломон же созда Ему храм. Но Вышний не в рукотворенных церквах живет, якоже пророк глаголет: Небо Мне престол есть, земля же подножие ногама Моима: кий храм созиждете Ми, глаголет Господь, или кое место покоищу Моему? Не рука ли Моя сотвори сия вся? Жестоковыйнии и необрезаннии сердцы и ушесы, вы присно Духу Святому противитеся, якоже отцы ваши, тако и вы: Кого от пророк не изгнаша отцы ваши? И убиша предвозвестившия о пришествии Праведнаго, Егоже вы ныне предателе и убийцы бысте, Иже приясте закон устроением ангелским и не сохранисте. Слышаще же сия, распыхахуся сердцы своими и скрежетаху зубы нань. Стефан же сый исполнь Духа Свята, воззрев на небо, виде славу Божию и Иисуса стояща о десную Бога, И рече: се, вижу небеса отверста и Сына Человеча о десную стояща Бога. Возопивше же гласом велиим, затыкаху уши свои и устремишася единодушно нань, И изведше вне града, камением побиваху его: и свидетелие (снемше) ризы своя положиша при ногу юноши нарицаемаго Савла, И камением побиваху Стефана, молящася и глаголюща: Господи Иисусе, приими дух мой. Преклонь же колена, возопи гласом велиим: Господи, не постави им греха сего. И сия рек успе.


Во время оно, бе некий царев муж, егоже сын боляше в Капернауме. Сей слышав, яко Иисус прииде от Иудеи в Галилею, иде к Нему и моляше Его, да снидет и изцелит сына его: имеяше бо умрети. Рече убо Иисус к нему: аще знамении и чудес не видите, не имате веровати. Глагола к Нему царев муж: Господи, сниди, прежде даже не умрет отроча мое. Глагола ему Иисус: иди, сын твой жив есть. И верова человек словеси, еже рече ему Иисус, и идяше. Абие же входящу ему, (се,) раби его сретоша его, и возвестиша (ему), глаголюще, яко сын твой жив есть. Вопрошаше убо от них о часе, в который легчае ему бысть, и реша ему, яко вчера в час седмый остави его огнь. Разуме же отец, яко той бе час, в оньже рече ему Иисус, яко сын твой жив есть: и верова сам и весь дом его. Сие паки второе знамение сотвори Иисус, пришед от Иудеи в Галилею.

Св. Стефан говорит: «Всевышний не в рукотворенных храмах живет... Какой дом созиждете Мне, говорит Господь, или какое место для покоя Моего?». Только нерукотворенный храм сердца боговместим, как сказал Господь: «кто любит Меня, тот соблюдет слово Мое; и Отец Мой возлюбит его, и Мы придем к нему и обитель у него сотворим» (Ин.14:23). Как это совершается – непостижимо для нас; но оно так есть, ибо очевидно бывает, что тогда «Бог производит в нас и хотение, и действие по Своему благоволению» (Флп.2:13). Не рассуждай и только отдай Господу сердце твое, а Он Сам устроит из него храм Себе, но отдай нераздельно. Если будут части неотданные, то из него нельзя будет устроить цельного храма, ибо одно будет гнило, другое разбито – и выйдет, если только выйдет, храм с дырами, или без крыши, или без дверей. А в таком жить нельзя; Господа в нем и не будет. Только казаться будет, что это храм, а на самом деле какое-то нагромождение.