Понедельник 4-й по Пасце. ЦСл.

Во дни оны, муж некий бе в Кесарии, именем Корнилий, сотник от спиры нарицающияся Италийския, Благоговеин и бояйся Бога со всем домом своим, творяй милостыни многи людем и моляйся Богу всегда: Виде в видении яве, яко в час девятый дне, ангела Божия сшедша к нему и рекша ему: Корнилие. Он же воззрев нань и пристрашен быв рече: что есть, Господи? Рече же ему: молитвы твоя и милостыни твоя взыдоша на память пред Бога: И ныне посли во Иоппию мужей и призови Симона, нарицаемаго Петра: Сей странствует у некоего Симона усмаря, емуже есть дом при мори: той речет тебе глаголы, в нихже спасешися ты и весь дом твой. И якоже отыде ангел глаголяй Корнилию, пригласив два от рабов своих и воина благочестива от служащих ему И сказав им вся, посла их во Иоппию. Воутрие же, путьшествующим им и ко граду приближающимся, взыде Петр на горницу помолитися, о часе шестем. Бысть же приалчен и хотяше вкусити: готовящим же онем, нападе нань ужас, И виде небо отверсто и сходящ нань сосуд некий, яко плащаницу велию, по четырем краем привязан и низу спущаемь на землю, В немже бяху вся четвероногая земли и зверие и гади и птицы небесныя. И бысть глас к нему: востав, Петре, заколи и яждь. Петр же рече: никакоже, Господи, яко николиже ядох всяко скверно или нечисто. И (се) глас паки к нему вторицею: яже Бог очистил есть, ты не скверни. Сие же бысть трищи: и паки взяся сосуд на небо.


Рече Господь пришедшим к Нему иудеом: ядый Мою Плоть и пияй Мою Кровь во Мне пребывает, и Аз в нем. Якоже посла Мя живый Отец, и Аз живу Отца ради: и ядый Мя, и той жив будет Мене ради. Сей есть хлеб сшедый с небесе: не якоже ядоша отцы ваши манну, и умроша: ядый хлеб сей жив будет во веки. Сия рече на сонмищи, уча в Капернауме. Мнози убо слышавше от ученик Его, реша: жестоко есть слово сие: (и) кто может Его послушати? Ведый же Иисус в себе, яко ропщут о сем ученицы Его, рече им: сие ли вы блазнит? Аще убо узрите Сына Человеческаго восходяща, идеже бе прежде? Дух есть, иже оживляет, плоть не пользует ничтоже: глаголы, яже Аз глаголах вам, дух суть и живот суть: Но суть от вас нецыи, иже не веруют. Ведяше бо искони Иисус, кии суть неверующии, и кто есть предаяй Его. И глаголаше: сего ради рех вам, яко никтоже может приити ко Мне, аще не будет ему дано от Отца Моего. От сего мнози от ученик Его идоша вспять, и ктому не хождаху с Ним. Рече же Иисус обеманадесяте: еда и вы хощете ити? Отвеща убо Ему Симон Петр: Господи, к кому идем? Глаголы живота вечнаго имаши, И мы веровахом, и познахом, яко Ты еси Христос, Сын Бога живаго.

Когда Господь предложил учение о таинстве Тела и Крови, полагая в нем необходимое условие общения с Собою и источник жизни истинной, тогда «многие из учеников Его отошли от Него и уже не ходили с Ним» (Ин.6:66). Слишком чудесным показалось им такое дело беспредельной к нам милости Божией и нерасположение к чудесному отторгло их от Господа. Господь видел это и, однако, готовый быть распятым за спасение всякого, не находил возможным умалить или отменить чудесное. Так оно необходимо в экономии нашего спасения! Хотя, конечно, с сожалением, но оставил Он их идти от Себя во тьму неверия и пагубу, и не им только, но и избранным двенадцати сказал по этому случаю: «не хотите ли и вы отойти?» (Ин.6:67), изъявляя готовность и их отпустить, если не склонятся пред чудесностию. Отсюда выходит, что бегать чудесного – то же, что бегать Господа Спасителя, и отврашаюшийся от чудесного – то же, что погибающий. Да внемлют этому те, которые приходят в ужас при одном напоминании о чудесном! Встретят и они чудо, которому не возмогут уже перечить: это смерть и по смерти суд. Но послужит ли это неперечение им во спасение, один Бог знает.