В неделю 5-я седмицы Великаго Поста. ЦСл текст гражданским шрифтом.

Братие, Христос пришед Архиерей грядущих благ, болшею и совершеннейшею скиниею, нерукотворенною, сиречь, не сея твари, Ни кровию козлею ниже телчею, но Своею Кровию, вниде eдиною во святая, вечное искупление обретый. Аще бо кровь козляя и телчая и пепел юнчий кропящий осквернeныя освящает к плотстей чистоте: Кольми паче Кровь Христова, Иже Духом Святым Себе принесе непорочна Богу, очистит совесть нашу от мертвых дел, во eже служити нам Богу живу и истинну!


Братие, прежде пришествия веры, под законом стрегоми бехом, затворени в хотящую веру открытися. Темже закон пестун нам бысть во Христа, да от веры оправдимся: Пришедшей же вере, уже не под пестуном eсмы. Вси бо вы сынове Божии eсте верою о Христе Иисусе: Eлицы бо во Христа крестистеся, во Христа облекостеся. Несть Иудей, ни eллин: несть раб, ни свободь: несть мужеский пол, ни женский: вси бо вы eдино eсте о Христе Иисусе. Аще ли вы Христовы, убо Авраамле семя eсте, и по обетованию наследницы.


Во время оно, поят Иисус oбанадесять, начат им глаголати, яже хотяху Eму быти: Яко, се, восходим во Иерусалим, и Сын Человеческий предан будет архиереом и книжником, и осудят Eго на смерть, и предадят Eго языком: И поругаются Eму, и уязвят Eго, и оплюют Eго, и убиют Eго: и в третий день воскреснет. И пред Него приидоста Иаков и Иоанн, сына Зеведеeва, глаголюща: Учителю, хощева, да, eже аще просива, сотвориши нама. Oн же рече има: что хощета, да сотворю вама? Она же реста Eму: даждь нам, да eдин о десную Тебe и eдин о шуюю Тебe сядева во славе Твоей. Иисус же рече има: не веста, чесо просита: можета ли пити чашу, юже Аз пию, и крещением, имже Аз крещаюся, креститися? Она же реста Eму: можева. Иисус же рече има: чашу убо, юже Аз пию, испиета, и крещением, имже Аз крещаюся, креститася: А eже сести о десную Менe и о шуюю, несть Мне дати, но имже уготовано eсть. И слышавше десять, начаша негодовати о Иакове и Иоанне. Иисус же призвав их, глагола им: весте, яко мнящиися владети языки, соодолевают им, и велицыи их обладают ими: Не тако же будет в вас: но иже аще хощет в вас вящший быти, да будет вам слуга: И иже аще хощет в вас быти старей, да будет всем раб: Ибо Сын Человечь не прииде, да послужат Eму, но да послужит и даст душу Свою избавление за многи.


Во время оно, моляше Иисуса некий от фарисeй, да бы ял с ним: и вшед в дом фарисеов, возлеже. И се жена во граде, яже бе грешница, и уведевши, яко возлежит во храмине фарисеове, принесши алавастр мира, И ставши при ногу Eго созади, плачущися, начат умывати нозе Eго слезами, и власы главы своея отираше, и облобызаше нозе Eго, и мазаше миром. Видев же фарисей воззвавый Eго, рече в себе, глаголя: Сей аще бы был пророк, ведел бы кто и какова жена прикасается Eму: яко грешница eсть. И отвещав Иисус рече к нему: Симоне, имам ти нечто рещи. Oн же рече: Учителю, рцы. Иисус же рече: два должника беста заимодавцу некоему: eдин бе должен пятиюсот динарий, другий же пятиюдесят: Не имущема же има воздати, oбема отда (остави). Который убо eю, рцы, паче возлюбит eго? Отвещав же Симон рече: мню, яко eмуже вящше отда (остави). Oн же рече eму: право судил eси. И обращься к жене, Симонови рече: видиши ли сию жену? Внидох в дом твой, воды на нозе Мои не дал eси: сия же слезами облия Ми нозе и власы главы своея отре. Лобзания Ми не дал eси: сия же, отнелиже внидох, не преста облобызающи Ми нозе. Маслом главы Моея не помазал eси: сия же миром помаза Ми нозе. Егоже ради, глаголю ти: отпущаются греси eя мнози, яко возлюби много: а eмуже мало оставляется, меньше любит. Рече же eй: отпущаются тебе греси. И начаша возлежащии с Ним глаголати в себе: кто Сей eсть, иже и грехи отпущает? Рече же к жене: вера твоя спасе тя: иди в мире.

Грешница, услышав, что Спаситель в доме Симона, пришла туда с алавастром мира и, ставши при ногах Господа сзади, начала плакать и умыла слезами своими ноги Его, потом отерла их своими волосами, облобызала и помазала миром (Лк.7:36–39). Она ничего не говорит, а только действует и своими действиями показывает самую нежную любовь ко Господу. Зато и сказано было о ней: «прощаются грехи ее многие за то, что она возлюбила много» (Лк.7:47). О, когда бы и нам меньше говорить, а больше действовать, и действиями своими свидетельствовать любовь ко Господу! Скажешь: «Когда бы Он Сам тут был, так сейчас бы готов все сделать для Него». Да Он и есть тут, невидимо Своим лицом, а видимо во всех христианах, а наиболее, в нуждающихся. Невидимого Господа намащай любительною сердечноумною молитвою, а для видимого – делай все возможное для нуждающихся, и будешь делать для Бога.