Неделя сыропустная. Воспоминание Адамова изгнания. Прощеное воскресенье. ЦСл.

Братие, ныне бо ближайшее нам спасение, нежели егда веровахом. 12. Нощь убо прейде, а день приближися: отложим убо дела темная, и облечемся во оружие света. 13. Яко во дни, благообразно да ходим, не козлогласовании и пиянствы, не любодеянии и студодеянии, не рвением и завистию: 14. но облецытеся Господем нашим Иисус Христом, и плоти угодия не творите в похоти. 1. Изнемогающаго же в вере приемлите, не в сомнение помышлении. 2. Ов бо верует ясти вся, а изнемогаяй зелия да яст. 3. Ядый не ядущаго да не укаряет: и не ядый ядущаго да не осуждает: Бог бо его прият. 4. Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его.


Рече Господь: Аще отпущаете человеком согрешения их, отпустит и вам Отец ваш Небесный: 15. аще ли не отпущаете человеком согрешения их, ни Отец ваш отпустит вам согрешений ваших. 16. Егда же поститеся, не будите якоже лицемери сетующе: помрачают бо лица своя, яко да явятся человеком постящеся. Аминь глаголю вам, яко восприемлют мзду свою. 17. Ты же постяся помажи главу твою, и лице твое умый, 18. яко да не явишися человеком постяся, но Отцу твоему, Иже в тайне: и Отец твой, видяй в тайне, воздаст тебе яве. 19. Не скрывайте себе сокровищ на земли, идеже червь и тля тлит, и идеже татие подкопывают и крадут: 20. скрывайте же себе сокровище на небеси, идеже ни червь, ни тля тлит, и идеже татие не подкопывают, ни крадут: 21. идеже бо есть сокровище ваше, ту будет и сердце ваше.

«Если вы будете прощать людям согрешения их, то простит и вам Отец ваш Небесный; а если не будете прощать людям согрешения их, то и Отец ваш не простит вам согрешений ваших» (Мф.6:14–15). Какой простой и подручный способ спасения! Прощаются тебе согрешения под условием прощения прегрешений против тебя ближнего твоего. Сам, значит, ты в своих руках. Переломи себя и от немирных чувств к брату перейди к искренно мирным, – и все тут. Прощеный день, какой это великий небесный день Божий! Когда бы все мы как должно пользовались им, то нынешний день из христианских обществ делал бы райские общества, и земля сливалась бы с небом.