Четверток 3-й по Пасце. ЦСл.

Во дни оны, ангел Господень рече к Филиппу, глаголя: востани и иди на полудне, на путь сходящий от Иерусалима в Газу: и той есть пуст. И востав пойде: и се, муж мурин, евнух силен Кандакии царицы Муринския, иже бе над всеми сокровищи ея, иже прииде поклонитися во Иерусалим: Бе же возвращаяся, и седя на колеснице своей, чтяше пророка Исаию. Рече же дух к Филиппу: приступи и прилепися колеснице сей. Притек же Филипп услыша его чтуща пророка Исаию и рече: убо разумееши ли, яже чтеши? Он же рече: како убо могу (разумети), аще не кто наставит мя? умоли же Филиппа, да возшед сядет с ним. Слово же Писания, еже чтяше, бе сие: яко овча на заколение ведеся, и яко агнец прямо стригущему его безгласен, тако не отверзает уст Своих: Во смирении Его суд Его взятся, род же Его кто исповесть? яко вземлется от земли живот Его. Отвещав же каженик к Филиппу, рече: молю тя, о ком пророк глаголет сие? о себе ли, или о инем некоем? Отверз же Филипп уста своя и начен от Писания сего, благовести ему Иисуса. Якоже идяху путем, приидоша на некую воду, и рече каженик: се, вода: что возбраняет ми креститися? Рече же ему Филипп: аще веруеши от всего сердца твоего, мощно ти есть. Отвещав же рече: верую Сына Божия быти Иисуса Христа. И повеле стати колеснице: и снидоста оба на воду, Филипп же и каженик: и крести его. Егда же изыдоста от воды, Дух Святый нападе на каженика: ангел же Господень восхити Филиппа, и не виде его ктому каженик, идяше бо в путь свой радуяся.


Рече Господь ко пришедшим к Нему иудеом: се же есть воля Пославшаго Мя, да всяк видяй Сына и веруяй в Него имать живот вечный, и воскрешу его Аз в последний день. Роптаху убо иудее о Нем, яко рече: Аз есмь хлеб сшедый с небесе. И глаголаху: не Сей ли есть Иисус сын Иосифов, Егоже мы знаем отца и Матерь, како убо глаголет Сей, яко с небесе снидох? Отвеща убо Иисус и рече им: не ропщите между собою: Никтоже может приити ко Мне, аще не Отец пославый Мя привлечет его, и Аз воскрешу его в последний день.

Св. Филипп спрашивает каженика: «разумеешь ли, что читаешь?» Тот ответил: «как могу разуметь, если кто не наставит меня?» (Деян.8:30–31) Как часто испытывают то же читающие слово Божие и отеческие писания! Читаемое не вмещается в голове; ум не может внять тому и обнять то, словно речь идет о чем-то чуждом ему, о предметах из неведомой области. Вот тут и нужен толковник, знакомый с тем, о чем слово. У Св. Филиппа был тот же дух, который давал и пророчества, и ему нетрудно было растолковать, что затрудняло каженика. Так и для нас теперь: надо найти человека, который стоял бы на той степени жизни и ведения, какой касается затрудняющее нас писание, и он растолкует то без затруднения, потому что кругозоры духовные у каждой степени свои. Стоящий на низшей степени не все видит, что видит стоящий на высшей, и только может гадать о том. Случись, что невместимое для нас Писание касается предметов высшей степени, а встреченный нами толковник стоит на низшей, то он нам не разъяснит того как следует, а будет все применять к своему кругозору, и дело останется для нас по-прежнему темным. Дивиться надобно, как берутся толковать о предметах Писания люди, совсем чуждые той области, к которой принадлежат те предметы. И выходит у них все не как следует; выситься же своими толкованиями они не забывают.