Пяток 27-й по Пятидесятнице. ЦСл.

Павел, Апостол Иисус Христов волею Божиею, по обетованию жизни, яже о Христе Иисусе, Тимофею возлюбленному чаду благодать, милость, мир от Бога Отца и Христа Иисуса Господа нашего. Не постыдися убо страстию Господа нашего Иисуса Христа, ни мною юзником Его, но спостражди благовествованию Христову по силе Бога, спасшаго нас и призвавшаго званием святым, не по делом нашым, но по Своему благоволению и благодати данней нам о Христе Иисусе прежде лет вечных, явльшейся же ныне просвещением Спасителя нашего Иисуса Христа, разрушившаго убо смерть и возсиявшаго жизнь и нетление благовествованием, в неже поставлен бых аз проповедник и Апостол и учитель языков. Еяже ради вины и сия стражду: но не стыждуся. Вем бо, Емуже веровах, и известихся, яко силен есть предание мое сохранити в день он. Образ имей здравых словес, ихже от мене слышал еси, в вере и любви, яже о Христе Иисусе. Доброе завещание соблюди Духом Святым живущим в нас. Веси ли сие, яко отвратишася от мене вси, иже от Асии, от нихже есть Фигелл и Ермоген. Да даст же милость Господь Онисифорову дому, яко многажды мя упокои и вериг моих не постыдеся, но пришед в Рим, тощнее взыска мя и обрете. Да даст ему Господь обрести милость от Господа в день он, и елико во Ефесе послужи ми, добрее ты веси.


Рече Господь притчу сию: человек некий добра рода иде на страну далече прияти себе царство и возвратитися. Призвав же десять раб своих, даде им десять мнас и рече к ним: куплю дейте, дондеже прииду. И граждане его ненавидяху его и послаша послы вслед его, глаголюще: не хощем сему, да царствует над нами. И бысть егда возвратися приим царство, рече пригласити рабы тыя, имже даде сребро, да увесть, какову куплю суть сотворили. Прииде же первый, глаголя: господи, мнас твоя придела десять мнас. И рече ему: благо, рабе добрый, яко о мале верен был еси, буди область имея над десятию градов. И прииде вторый, глаголя: господи, мнас твоя сотвори пять мнас. Рече же и тому: и ты буди над пятию градов. И другий прииде, глаголя: господи, се, мнас твоя, юже имех положену во убрусе. Бояхся бо тебе, яко человек яр еси, вземлеши, егоже не положил еси, и жнеши, егоже не сеял еси. Глагола же ему: от уст твоих сужду ти, лукавый рабе, ведел еси, яко аз человек яр есмь, вземлю, егоже не положих, и жну, егоже не сеях, и почто не вдал еси моего сребра купцем, и аз пришед с лихвою истязал бых е? И предстоящым рече: возмите от него мнас и дадите имущему десять мнас. И реша ему: господи, имать десять мнас. Глаголю бо вам, яко всякому имущему дастся, а от неимущаго, и еже имать, отимется от него. Обаче враги моя оны, иже не восхотеша мене, да царь бых был над ними, приведите семо и изсецыте предо мною. И сия рек, идяше преди, восходя во Иерусалим.

Притча о десяти мнасах* изображает всю историю человечества до второго пришествия Христова. Господь говорит в ней о Себе, что Он идет чрез страдания, смерть и воскресение к Отцу Небесному принять царство над человечеством, которое все – Его родовое достояние. Оставшиеся на земле делятся на две половины: на рабов, поработивших себя Господу чрез послушание вере, и на нехотящих иметь Его царем и работать Ему, ради неверия своего. Тем, которые приступают ко Господу верою, с готовностию работать Ему, даются дары Святого Духа в святых таинствах: это мина – и каждый верующий получает ее на служение в кругу верующих. Когда все из рода человеческого, способные покоряться Господу, покорятся Ему, тогда Он снова придет, как принявший Царство. Первым делом Его будет рассудить рабов, кто что приобрел данною благодатию, а потом последует суд и над теми, которые не захотели иметь Его царем, т. е. или не уверовали, или отпали от веры. Напечатлей эти истины в уме своем и не отводи от них внимания, ибо тогда будет решение, которому уж не жди перемены. Бегай неверия; но и веруй не праздно, а приноси и плоды веры. Обретши тебя верным вмале**, Господь и над многим тебя поставит (Мф.25:21).

* В синод. тексте: о десяти минах.
** – в малом.