Машенька
Broj poruka : 540
Points : 1042
Reputation : 0
Datum upisa : 05.03.2011
 | | Naslov: Четверток 10-й по Пятидесятнице. ЦСл. Sre Avg 17, 2011 7:58 pm | |
| Четверток 10-й по Пятидесятнице.
Апостол к Коринфянам, зачало 167. [2 Кор. 1, 1-7.] Павел, посланник Иисус Христов волею Божиею, и Тимофей брат, церкви Божией сущей в Коринфе, со святыми всеми сущими во всей Ахаии: благодать вам и мир от Бога Отца нашего, и Господа Иисуса Христа. Благословен Бог и Отец Господа нашего Иисуса Христа, Отец щедрот и Бог всякия утехи, утешаяй нас о всяцей скорби нашей, яко возмощи нам утешити сущыя во всяцей скорби, утешением, имже утешаемся сами от Бога. Зане якоже избыточествуют страдания Христова в нас, тако Христом избыточествует и утешение наше. Аще ли же скорбим, о вашем утешении и спасении, действующемся в терпении техже страданий, яже и мы страждем: и упование наше известно о вас. Аще ли утешаемся, о вашем утешении и спасении, ведяще, зане якоже общницы есте страстем нашым, такожде и утешению. Евангелие Матфея, зачало 88. [Мф. 21, 43-46.] Рече Господь пришедшим к Нему иудеом: отимется от вас Царствие Божие и дастся языку творящему плоды его: и падый на камени сем сокрушится: а на немже падет, сотрыет и. И слышавше архиерее и фарисее притчи Его, разумеша, яко о них глаголет: и ищуще Его яти, убояшася народа, понеже яко Пророка Его имеяху. | |
|
Kalendar
