Среда 4-я по Пасце. Преполовение Пятидесятницы. ЦСл.

Во дни оны, Павел и Варнава прибегоста во грады Ликаонския, в Листру и Дервию, и во окрестныя их, И тамо беста благовествующа. И некто муж в Листрех немощен ногама седяше, хром от чрева матере своея сый, иже николиже бе ходил. Сей слышаше Павла глаголюща: иже воззрев нань и видев, яко веру имать здрав быти, Рече велиим гласом: тебе глаголю во имя Господа Иисуса Христа, встани на ногу твоею прав. И абие возскочи и хождаше. Народи же видевше, еже сотвори Павел, воздвигоша глас свой, ликаонски глаголюще: бози уподобльшеся человеком снидоша к нам. Нарицаху же убо Варнаву Диа, Павла же Ермиа, понеже той бяше началник слова. Жрец же Диев, сущаго пред градом их, приведе юнцы и (принесе) венцы пред врата, с народы хотяше жрети. Слышавша же апостола Варнава и Павел, растерзавша ризы своя, вскочиста в народ, зовуща и глаголюща: Мужие, что сия творите? и мы подобострастна есма вам человека, благовествующа вам от сих суетных обращатися к Богу живу, Иже сотвори небо и землю и море и вся, яже в них: Иже в мимошедшия роды оставил бе вся языки ходити в путех их: И убо не несвидетелствована Себе остави, благотворя, с небесе нам дожди дая и времена плодоносна, исполняя пищею и веселием сердца наша. И сия глаголюща, едва устависта народы не жрети има, но отыти коемуждо во своя си.


В преполовение Пятдесятницы взыде Иисус во церковь, и учаше. И дивляхуся иудее, глаголюще: како Сей книги весть не учився? Отвеща (убо) им Иисус и рече: Мое учение несть Мое, но Пославшаго Мя: Аще кто хощет волю Его творити, разумеет о учении, кое от Бога есть, или Аз от Себе глаголю: Глаголяй от себе, славы своея ищет: а ищяй славы Пославшаго Его, Сей истинен есть, и несть неправды в Нем. Не Моисей ли даде вам закон? и никтоже от вас творит закона. Что Мене ищете убити? Отвеща народ и рече: беса ли имаши? кто Тебе ищет убити? Отвеща Иисус и рече им: едино дело сотворих, и вси дивитеся: Сего ради Моисей даде вам обрезание, не яко от Моисеа есть, но от отец: и в субботу обрезаете человека: Аще обрезание приемлет человек в субботу, да не разорится закон Моисеов: на Мя ли гневаетеся, яко всего человека здрава сотворих в субботу? Не судите на лица, но праведный суд судите. Глаголаху убо нецыи от иерусалимлян: не Сей ли есть, Егоже ищут убити? И се, не обинуяся глаголет, и ничесоже Ему не глаголют: еда како {воистинну} разумеша князи, яко Сей есть Христос? Но Сего вемы, откуду есть: Христос же егда приидет, никтоже весть, откуду будет. Воззва убо в церкви уча Иисус и глаголя: и Мене весте, и весте, откуду есмь: и о Себе не приидох, но есть истинен Пославый Мя, Егоже вы не весте: Аз вем Его, яко от Него есмь, и Той Мя посла. Искаху убо, да имут Его: и никтоже возложи Нань руки, яко не у бе пришел час Его.

В Преполовение слышится воззвание от лица Господа: «кто жаждет, иди ко Мне и пей» (Ин.7:37). Если так, то пойдемте все к Нему. Кто чего бы ни жаждал, только бы то не противно было духу Господа, непременно найдет удовлетворение. Жаждущие знания, идите ко Господу, ибо Он – единственный свет, истинно просвещающий всякого человека. Жаждущие очищения от грехов и утоления совестного жжения, идите ко Господу; ибо Он вознес грехи всего мира на древо и рукописание их разодрал. Жаждущие покоя сердечного, идите ко Господу; ибо Он есть сокровище, обладание которым заставит вас забыть все лишения и презреть все блага, чтобы обладать Им единым. – Сила кому нужна – у Него всякая сила. Слава ли – у Него слава премирная. Свобода ли – Он дарователь истинной свободы. Он решит все наши недоумения, расторгнет узы страстей, развеет все скорби и туги, даст преодолеть все препоны, все искушения и козни врага, и уравняет путь нашей жизни духовной. Пойдемте же все ко Господу!